Don't Miss!
- News Lok Sabha Election 2024 Polling LIVE Updates: అతిపెద్ద పండగకు తొలి ఘట్టం..
- Sports PBKS vs MI: తొండాటకు ముగింపు.. కెమెరా ముందు టాస్ కాయిన్ ఫలితం! వీడియో
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
మహేశ్ సినిమా కథకు కోటి రూపాయలా? ఫ్లాప్ డైరెక్టర్ స్టోరీ చెల్లించిన కొరటాల శివ!
మహేశ్తో నిర్మించే తదుపరి చిత్రానికి సంబంధించిన కథపై కొరటాల శివ భారీ కసరత్తు చేస్తున్నారనే వార్త వినిపిస్తున్నది. ఈ సినిమా కథ కోసం కథ కోసమే కోటి రూపాయలకు పైగా ఖర్చు పెడుతున్నట్టు తెలుస్తున్నది.
జనతా గ్యారేజ్ సూపర్హిట్ తర్వాత ప్రిన్స్ మహేశ్బాబుతో మళ్లీ మ్యాజిక్ చేసేందుకు దర్శకుడు కొరటాల శివ సిద్ధమవుతున్నాడు. ఈసారి తాను తీసిన గత చిత్రాలకు మంచి హిట్ సాధించేందుకు కొరటాల పక్కా ప్రణాళికతో ముందుకెళ్తున్నాడు. భరత్ అనే నేను అనే టైటిల్గా ప్రచారమవుతున్న మహేశ్ చిత్రంపై ప్రస్తుతం కొరటాల దృష్టిపెట్టాడు. గతంలో మహేశ్, కొరటాల శివ కాంబినేషన్లో వచ్చిన శ్రీమంతుడు చిత్రం భారీ కలెక్షన్లను సాధించిన సంగతి తెలిసిందే.
కథ కోసం కోటి రూపాయలు
మహేశ్తో నిర్మించే తదుపరి చిత్రానికి సంబంధించిన కథపై కొరటాల శివ భారీ కసరత్తు చేస్తున్నారనే వార్త వినిపిస్తున్నది. ఈ సినిమా కథ కోసం కథ కోసమే కోటి రూపాయలకు పైగా ఖర్చు పెడుతున్నట్టు తెలుస్తున్నది. ఓ టాలీవుడ్ దర్శకుడు రూపొందించిన కథ ఎక్సైటింగ్గా ఉండటం, కథలో అనేక ట్విస్టులు ఉండి ప్రతీ సన్నివేశం ఆద్యంతం ఆసక్తికరంగా ఉండటంతో కొరటాల శివ ముందు వెనుకా ఆలోచించకుండా దానిని భారీ మొత్తాన్ని చెల్లించి సొంతం చేసుకొన్నట్టు సమాచారం.
రచయితగా సూపర్హిట్
గతంలో రచయితగా కథలు అందించిన సినిమాలు భారీ విజయాలను సాధించాయి. సింహ చిత్ర కథ తనదేనని, అ సినిమా కథా రచయితగా తనకు శ్రీను క్రెడిట్ ఇవ్వలేదని ఆ మధ్య ఓ ఇంటర్వ్యూలో దర్శకుడు బోయపాటిపై కొరటాల ఆరోపణలు చేయడం చర్చనీయాంశమైంది. రచయితగా గర్ల్ఫ్రెండ్, భద్ర, మున్నా, ఒక్కడున్నాడు, సింహా, బృందావన, ఊసరవెల్లి చిత్రాలకు కథను, కథా సహకారాన్ని అందించారు.
ఫ్లాప్ డైరెక్టర్ కథను..
ఇప్పటివరకు సొంతంగా కథను రాసుకొన్న కొరటాల శివ మరొకరి కథను ఎంచుకొని సూపర్స్టార్ మహేశ్తో సినిమా చేయడం టాక్ ఆఫ్ ది టౌన్గా మారింది. అదికాకుండా ఓ ఫ్లాఫ్ డైరెక్టర్ కథను ఎంచుకోవడం మరింత ఆసక్తి రేకిస్తున్నది. ఒక హిట్ సినిమాను అందించని డైరెక్టర్ కథను ఎంచుకొని సాహసానికి పూనుకొన్నారా అనే ప్రశ్న వినిపిస్తున్నది. అంతేకాకుండా టాలీవుడ్ చరిత్రలో ఎన్నడూ లేని విధంగా కోటి రూపాయలు చెల్లించాల్సిన సత్తా ఆ కథలో ఉందా అనే వాదన లేవనెత్తుతున్నారు.
వివాదాలు లేకుండా..
అయితే శ్రీమంతుడు చిత్ర కథ విషయంలో కొరటాల శివ కోర్టు మెట్లు ఎక్కాల్సిన పరిస్థితి ఏర్పడిన సంగతి తెలిసిందే. ఈ కథ తాను రాసిందనేనని ఓ వ్యక్తి కోర్టును ఆశ్రయించడం వివాదాస్పదమైంది. ఈసారి కోర్టు వివాదాలు లేకుండా కొరటాల శివ తగు జాగ్రత్తలు తీసుకొంటున్నారని తెలుస్తున్నది.