Don't Miss!
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Finance ITC: ఐటీసీ ఇన్వెస్టర్లకు శుభవార్త.. !
- News ఓటు వెయ్యకపోయినా పర్వాలేదు, నా అంత్యక్రియలకు రండి, ప్రధాని అభ్యర్థి, మోదీని టార్గెట్ చేసి !
- Sports చరిత్ర సృష్టించిన అక్షర్ & పంత్ క్రేజీ రికార్డు
- Lifestyle చింత చిగురు పప్పు: నోట్లో నీళ్ళు ఊరాల్సిందే.. వాసనకు కడుపు నిండాల్సిందే..
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
అఖిల్ తండ్రిగా మారబోతున్న ప్రముఖ దర్శకుడు
అక్కినేని అఖిల్కు కాలం కలిసి రావడం లేదు. ఏడాది వయసులోనే 'సిసింద్రీ' సినిమాతో మెప్పించిన అతడు.. హీరోగా మాత్రం ఒక్క హిట్నూ తన ఖాతాలో వేసుకోలేకపోయాడు. హీరోగా చేసిన మూడు చిత్రాలు నిరాశ పరిచాయి. ఆకట్టుకునే అందం.. ఫిజిక్.. నటన ఉన్నా.. కథల ఎంపిక విషయంలో జాగ్రత్తలు తీసుకోకపోవడంతో అతడు చేసిన మూడు ప్రయత్నాలూ విఫలం అయ్యాయి. దీంతో ఈ సారి ఎలాగైనా హిట్ సాధించాలనే పట్టుదలతో ఉన్నాడు. అందుకే ఈ సారి చేయబోయే సినిమా విషయంలో ఎన్నో జాగ్రత్తలు తీసుకున్నాడు.
ఇందులో భాగంగానే అఖిల్.. గీతా ఆర్ట్స్ 2 బ్యానర్పై బొమ్మరిల్లు భాస్కర్ దర్శకత్వంలో ఓ సినిమా చేయడానికి సంతకం పెట్టేశాడు. ఈ సినిమా షూటింగ్ ఎప్పుడో ప్రారంభం కావాల్సి ఉన్నా అనివార్య కారణాల వల్ల వాయిదా పడుతూ వస్తోంది. ఇప్పటి వరకు ఈ ప్రాజెక్టుకు సంబంధించిన పూర్తి వివరాలు తెలియరాలేదు. కానీ, అప్పుడప్పుడు ఈ సినిమాకు సంబంధించిన ఏదో ఒక వార్త సోషల్ మీడియాలో వైరల్ అవుతోంది.
తాజాగా ఈ సినిమాకు సంబంధించిన మరో ఆసక్తికర విషయం బయటకు వచ్చింది. ఈ సినిమాలో అఖిల్ తండ్రి పాత్రలో ఓ ప్రముఖ దర్శకుడు నటించబోతున్నారట. ఆయనే సీనియర్ డైరెక్టర్, యాక్టర్ సముద్రఖని. అవును.. సముద్రఖని ఈ సినిమాలో నటించబోతున్నారట. ఇప్పటికే ఆయనతో చిత్ర బృందం మంతనాలు కూడా జరిపిందని, దానికి ఆయన గ్రీన్ సిగ్నల్ ఇచ్చేశారని ఫిలింనగర్ వర్గాల్లో ప్రచారం జరుగుతోంది.
తెలుగులో నాలో, శంభో శివ శంబో, జెండాపై కపిరాజు సినిమాలను డైరెక్ట్ చేసిన ఈయన ఎన్నో తమిళ సినిమాల్లో నటించారు. అలాగే తెలుగు సినీ చరిత్రలో ప్రతిష్టాత్మకంగా తెరకెక్కుతున్న 'RRR'లో కూడా నటిస్తున్నారు. ఈ విషయాన్ని చిత్ర బృందం అధికారికంగా ప్రకటించిన విషయం తెలిసిందే. అయితే, ఆయన ఏ పాత్రలో నటిస్తున్నారు అనే విషయాన్ని మాత్రం రహస్యంగా ఉంచారు. కానీ, 'RRR'లో సముద్రఖని.. ఎన్టీఆర్కు బాబాయిగా నటిస్తున్నారని ప్రచారం జరుగుతోంది.