రంగంలోకి మరో స్టార్ హీరోయిన్.. తగ్గేదేలే అంటున్న డైరెక్టర్ సుకుమార్

బాలీవుడ్ బ్యూటీల కోసం

ఈ సినిమాలో ఐటెం సాంగ్ మీద స్పెషల్ ఫోకస్ పెట్టిన సుకుమార్ తన గత సినిమాల్లో లేని విధంగా ఈ ఐటమ్ సాంగ్ ఉండేలా ప్లాన్ చేస్తున్నారని అంటున్నారు. ఇక ఈ ఐటమ్ సాంగ్ తో అల్లు అర్జున్ తో కాలు కలిపేందుకు గానూ ఒక స్టార్ హీరోయిన్ ని రంగంలోకి దించాలని ముందు నుంచి భావిస్తున్నారట. ఈ సాంగ్ కోసం ఏకంగా బాలీవుడ్ బ్యూటీలను రంగంలోకి దింపడానికి చూస్తున్నారని అంటున్నారు.

నిర్మాత క్లారిటీ

బాలీవుడ్ బ్యూటీలు దిశా పటాని, శ్రద్ధా కపూర్, కత్రినా కైఫ్ లాంటి వారిని ఇప్పటికే సంప్రదించారని అంటున్నారు. అయితే వారి డేట్స్ ఖాళీ లేని కారణంగా ఆ సాంగ్ మరొకరితో చేయించాలని భావించినట్లు గతంలో వార్తలు వచ్చాయి. ఆ సమయంలో ఊర్వశి రౌతేలా పేరు తెర మీదకు వచ్చింది. అయితే తాజాగా ఈ సినిమా నిర్మాతల్లో ఒకరైన రవిశంకర్ ఈ సినిమాకు సంబంధించిన ఆసక్తికర విషయాలు వెల్లడించారు.

రెండో భాగంలోనే ఐటెం నెంబర్

ఈ సినిమా రెండు భాగాలుగా రిలీజ్ కావడం ఖాయం అని తేల్చేసిన ఆయన రెండో భాగంలో ఒక మంచి ఐటెం నెంబర్ ఉండేలా ప్లాన్ చేస్తున్నామని చెప్పుకొచ్చారు. ఇక ఈ ఐటెం నెంబర్ కోసం దీక్ష పటాని లేదా పూజా హెగ్డే కోసం చూస్తున్నామని ఆయన చెప్పుకొచ్చారు. సుకుమార్ మార్క్ ఎక్కడా మిస్ కాకుండా ఈ ఐటెం సాంగ్ రూపొందించనున్నారని తెలుస్తోంది.

Recommended Video

Allu Arjun Family Time, Pushpa రెండు భాగాలు It's Official అంటున్న నిర్మాత || Filmibeat Telugu

భారీ అంచనాలు

ఈ సినిమాలో అల్లు అర్జున్ పుష్ప రాజ్ అనే ఒక లారీ డ్రైవర్ పాత్రలో నటిస్తున్నాడు.. ఎర్రచందనం స్మగ్లింగ్ నేపథ్యంలో తెరకెక్కుతున్న ఈ సినిమా లో హీరోయిన్ రష్మిక మందన నటిస్తూ ఉండగా ఫహాద్ ఫాజిల్ ఒక కీలక పాత్రలో నటిస్తున్నాడు.. మైత్రి మూవీ మేకర్స్ సంస్థ నిర్మిస్తున్న ఈ సినిమా మీద భారీ అంచనాలు నెలకొని ఉన్నాయి.