మగధీర పై ఘాటుగా సెటైర్ విసిరిన విజయనిర్మల...!?

దూకుడు సినిమాతో భారీ విజయాన్ని సాధించిన మహేష్ బాబు ఓ కామెడీ చిత్రంతో ఇంతటి రికార్డులు సాధించడం పట్ల అభిమానులు ఉప్పొంగిపోతున్నారు. ఎలాంటి హంగు, ఆర్భాటాలు లేకుండా కేవలం మహేష్ గ్లామర్ తో ఈ చిత్రం తెలుగు చిత్ర పరిశ్రమలో ద్వితీయ స్థానం ఆక్రమించుకోవడంతో ఇది మహేష్ సమ్మోహన శక్తిని తెలియజేస్తోందని అంటున్నారు.

మగధీర సినిమాకి కనీ వినీ ఎరుగని సెట్టింగ్స్, గ్రాఫిక్స్ తో రాజమౌళి కట్టి పారేస్తే ఆ చిత్రం ఎవరూ చేరుకోలేని రికార్డులని నెలకొల్పింది. దాంతో అలాంటి సినిమా మహేష్ చేస్తే మగధీర రికార్డులు అవలీలగా అధిగమిస్తారని మహేష్ అభిమానులు నమ్మకం. వారి మనస్సులో మాటని విజయనిర్మల దూకుడు యాభై రోజుల వేడుకలో బయటపెట్టారు. ఈ చిత్రంలో గ్రాఫిక్స్, మాయలు, మంత్రాలు లేవని, కేవలం మహేష్ గ్లామర్ తోనే ఇంత పెద్ద హిట్ అయిందని ఆమె పేర్కొన్నారు. అది ఇన్ డైరెక్టుగా మగధీర ఉద్దేశించి చేసిన కామెంట్ అని ప్రత్యేకించి చెప్పక్కర్లేదని మెగా ఫ్యాన్స్ బాధపడుతున్నారు.