'ఈగ' నిర్మాత నెక్ట్స్ చిత్రం ఖరారు..వివరాలు

Gossips

oi-Surya

By Srikanya

| Published: Wednesday, October 3, 2012, 8:54 [IST]

హైదరాబాద్ : 'ఈగ', 'అందాల రాక్షసి' చిత్రాల నిర్మాత సాయి కొర్రపాటి తన తదుపరి చిత్రానికి శ్రీకారం చుట్టబోతున్నారు. రాజమౌళి వద్ద అశోశియేట్ గా పనిచేసిన కోటి ని పరిచయం చేస్తూ ఈ చిత్రం రూపొందనుంది. ఈ చిత్రంలో రవితజే హీరోగా చేయనున్నారు. చిత్రం టైటిల్ జింతాతా. విక్రమార్కుడు చిత్రంలో పాపులరైన జింతాతా పదం ఈ చిత్రానికి టైటిల్ గా పెట్టారు. యాక్షన్ ఎంటర్టైనర్ గా ఈ చిత్రం రూపొందనుందని సమాచారం. ఈ చిత్రానికి ఎమ్.ఎమ్.కీరవాణి సంగీతం అందిస్తున్నారు. ప్రస్తుతం మ్యూజిక్ సిట్టింగ్స్ జరుగుతున్నాయి.

గతంలో కోటి దర్శకత్వంలో సునీల్ హీరోగా నెపోలియన్ అనే చిత్రం రూపొందనుందంటూ వార్తలు వచ్చాయి. దిల్ రాజు తాను నిర్మిస్తానన్న ఆ చిత్రం బడ్జెట్ బాగా ఎక్కువ అవుతుందని, సునీల్ కి ఆ మేరకు మార్కెట్ లేదని ఆగిపోయిందని అప్పట్లో వినపడింది. అయితే ఇప్పుడు రాజమౌళి స్వయంగా పూనుకుని ఈ ప్రాజెక్టు సెట్ చేసినట్లు ఫిల్మ్ నగర్ సమాచారం. వచ్చే సంవత్సరం ప్రారంభంలో ఈ సినిమా సెట్స్ మీదకు వెళ్లే అవకాసం ఉంది. పూర్తి వివరాలతో త్వరలో ప్రకటన వస్తుందని భావిస్తున్నారు.

రవితేజకు ఈ మధ్య అస్సలు కలిసి రావడం లేదు. గతంలో హిట్ చిత్రాలతో హాట్రిక్ కొట్టిన రవితేజ....ఇప్పుడు ప్లాపుల విషయంలో డబుల్ హాట్రిక్ కొట్టాడు.వీర సినిమా దగ్గర నుంచి రవితేజ సినిమాలన్నీప్లాపులే. దీంతో రవితేజ సినిమాలంటే ప్రేక్షకుల్లో క్రేజ్ కూడా తగ్గుతూ వస్తోంది. ఈ క్రమంలో తన కెరీర్ ప్రమాదంలో పడిపోతుందనే విషయం గ్రహించిన రవితేజ ఆచి తూచి అడుగులు వేస్తున్నాడు. త్వరలో రవితేజ తన 'బలుపు' చూపించడానికి రెడీ అవుతున్నాడు.

ఇంతకు ముందు రవితేజతో 'డాన్‌శీను' చిత్రాన్ని రూపొందించిన గోపీచంద్ మలినేని దర్శకత్వంలో ఈ చిత్రం రూపొందనుంది. ఈచిత్రానికి ప్రముఖ రచయిత కోన వెంకట్ స్క్రిప్టు రచయితగా పని చేస్తున్నారు. 'దూకుడు' సినిమాతో పాటు పలు చిత్రాలకు అదిరిపోయే స్క్రిప్టు అందించిన కోన వెంకట్ ఈ చిత్రానికి ఫుల్లీ లోడెడ్ ఎంటర్ టైన్మెంట్ తో కూడిన స్క్రిప్టు అందించబోతున్నాడు. ఈ సారి రవితేజకు హిట్టు ఖాయమనే ధీమా ఆ చిత్ర వర్గాల్లో వ్యక్తం అవుతోంది.