నితిన్ ఏంటి దెయ్యం పిల్ల వెంట పడుతున్నాడు

దిల్ రాజుతో 15 ఏళ్ల తరువాత నితిన్

2003 లో దిల్ రాజు నిర్మాణంలో వివి వినాయక్ దర్శకుడిగా తెరకెక్కిన నితిన్ చిత్రం దిల్ అప్పటి యువతని ఉర్రూతలూగించింది. దాదాపు 15 ఏళ్ల తరువాత మళ్ళీ నితిన్ దిల్ రాజు నిర్మాణంలో నటించనుండడం విశేషం. శతమానం భవతి చిత్రంతో సూపర్ హిట్ అందుకున్న సతీష్ వేగేశ్న ఈ చిత్రానికి దర్శకుడు.

నితిన్ సరసన దెయ్యం భామ

ఈ చిత్రంలో నితిన్ కు జోడిగా నందిత శ్వేతని నటింపజేసేందుకు ప్రయత్నాలు జరుగుతున్నాయి. ఎక్కడికి పోతావు చిన్నవాడా చిత్రం ద్వారా నందిత శ్వేతా టాలీవుడ్ కు పరిచయం అయింది. ఈ చిత్రంలో నందిత శ్వేతా దెయ్యం పాత్రలో నటించి మెప్పించింది. నందిత నటనకు మంచి మార్కులే పడ్డాయి.

పలకరించని అవకాశాలు

ఎక్కడికి పోతావు చిన్నవాడా చిత్రం విజయం సాధించినా నందితకు అవకాశాలు రాలేదు. ఎట్టకేలకు నితిన్ చిత్రం కోసం దర్శకుడు సతీష్ ఆమెని సంప్రదించినట్లు వార్తలు వస్తున్నాయి.

టైటిల్ అదే, త్వరలోనే సెట్స్ పైకి

రొమాంటిక్ ఫ్యామిలీ ఎంటర్ టైనర్ గా రాబోతున్న ఈ చిత్రానికి శ్రీనివాస కళ్యాణం అనే పేరు పరిశీలిస్తున్నారు. వీలైనంత త్వరగా ఈ చిత్రాన్ని సెట్స్ పైకి తీసుకుని వెళ్లాలనేది దర్శక నిర్మాతల ప్లాన్.