ఆమెను వదల్లేకే..యువరాజ్ సింగ్

By Staff

Published: Thursday, May 28, 2009, 15:45 [IST]

ప్రముఖ క్రికెటర్ యువరాజ్ సింగ్, కిమ్ శర్మ మధ్య నాలుగేళ్ళ క్రితం ప్రారంభమైన రిలేషన్ షిప్ దాదాపు ముగింపు దశకొచ్చినట్లే అని ఆమధ్య అంతా అనుకున్నారు. అయితే ఇప్పుడంతా రివర్స్ అయింది. ఆ ప్రేమికలు ఇద్దరూ మళ్ళీ కలుసుకున్నారు. విడిపోవటానికి ముందు యువరాజ్..ప్రక్క చూపుగా దీపికా పడ్కోనితో వ్యవహారం నడపటానికి ప్రయత్నించాడని కిమ్ శర్మ ఆరోపిస్తే..నువ్వేం తక్కువా ఆ ఇజ్రాయలీ కుర్రాడితో కులికావు కదా అని యువరాజ్ నోరు పారేసుకున్నాడని సమాచారం. అయితే ఇద్దరికీ ఒకరిపై మరొకరికి ప్రేమ తగ్గలేదని అందుకే ఈ తిట్ల పురాణం అని అంటున్నారు ఇరు వర్గాల సన్నిహితులు.

ఇక కిమ్ శర్మ ను తిరిగి తన దగ్గరకు రప్పించుకునేందుకు చాలా సార్లు యువరాజ్ ప్రయత్నించాడని, అయితే ఆమె పట్టించుకోకపోవటం ఆమెను బాధించిందని చెప్తున్నారు. ఇక ప్రస్తుతం ఐపిల్ టీమ్ తో సౌత్ ఆఫ్రికాలో ఉన్న అతనిపై అక్కడ కూడా ప్రీతి జింతాతో సన్నిహితంగా ఉన్నాడంటూ రూమర్స్ వినపడ్డాయి. అయితే యువరాజ్ స్వయంగా కిమ్ ని సౌత్ ఆఫ్రికాకు రమ్మన్నాడు. దాంతో ఏ మొహమాటం లేకుండా కిమ్ అక్కడికి తన స్నేహితురాళ్ళతో చేరింది. దాంతో ఇప్పుడు ఇద్దరూ ఒకటయ్యారు.

అయితే ఈ విషయంపై కిమ్ స్పందిస్తూ..కొన్ని సంబంధాలు ఎప్పటికీ చచ్చిపోవు. మదిలో ఏదో ఒక మూల ఆ సంబంధాల తాలూకు అనుభూతులు కదలాడుతూనే ఉంటాయి. మరిచిపోదామన్నా మర్చిపోలేరు. అలాగే యూవీ కూడా నన్ను మరువలేకపోతున్నాడు. అతను నాతో స్నేహం కొనసాగించాలనున్నప్పుడు నేనెలా కాదంటాను అని చెప్తోంది. మొత్తానికి తెలివైందే అంటున్నారు.

More from Filmibeat