ఈ సారి కూడా పవన్ కళ్యాణ్ డుమ్మా? వారం తర్వాతే..

హీరోయిన్

పవన్ కళ్యాణ్ సరసన ఈ మూవీలో శృతి హాసన్ హీరోయిన్ గా ఖరారైంది. డైరెక్టర్ డాలీ అండ్ టీం ప్రీ ప్రొడక్షన్ పనులు పూర్తి చేసి షూటింగుకు సిద్దంగా ఉన్నారు.

రేణు దేశాయ్ తర్వాత..

తన మాజీ భార్య రేణు దేశాయ్ తో తప్ప పవన్ కళ్యాణ్ ఇప్పటి వరకు ఏ హీరోయిన్ తోనూ రెండో సారి చేయలేదు. రేణు దేశాయ్ తర్వాత పవన్ కళ్యాణ్ తో రెండోసారి నటిస్తున్న హీరోయిన్ శృతి హాసన్ మాత్రమే అని అంటున్నారు.

చేతులు మారింది.

సర్దార్ గబ్బర్ సింగ్ మాదిరిగానే ఈ సినిమా కూడా చేతులు మారింది. ఈ ప్రాజెక్ట్ ప్రస్తుతం ఎస్.జె.సూర్య చేతి నుండి డైరెక్టర్ డాలీ(కిషోర్ పార్ధసాని... గోపాల గోపాల ఫేం) చేతిలోకి వచ్చింది. 'సర్దార్ గబ్బర్ సింగ్' మూవీ రిజల్ట్ అంచనాలను తారుమారు చేసిన నేపథ్యంలో ఈ ప్రాజెక్టుపై చాలా కేర్ తీసుకుంటున్నారు.

ప్రయోగాల్లేవ్

'సర్దార్ గబ్బర్ సింగ్' సినిమా విషయంలోనూ ఎలాంటి ప్రయోగాలకు పోకుండా జాగ్రత్తగానే తీసినప్పటికీ సినిమాలో ఫ్యామిలీ ఎమోషన్ మిస్సవ్వడమే దెబ్బతీసిందని భావించిన పవన్ కళ్యాణ్ అండ్ టీం తాజా సినిమాలో అవన్నీ ఉండేలా ప్లాన్ చేసుకుంటున్నారు.

దీని తర్వాత

తమిళంలో శివ దర్శకత్వంలో తెరకెక్కిన వేదాళం చిత్రం అక్కడ రూ. 100 కోట్లకు పైగా వసూలు చేసింది. ఈ చిత్రాన్ని తెలుగులో పవన్ కళ్యాణ్ తో రీమేక్ చేస్తే బావుంటుందని ప్రముఖ నిర్మాత ఎఎం.రత్నం చాలా కాలంగా ప్రయత్నాలు చేస్తున్నారు. ఎట్టకేలకు ఎఎం.రత్నం ప్రయత్నాలు ఫలించినట్లు తెలుస్తోంది.