నందమూరి ఫ్యాన్స్‌కు పండుగ లాంటి వార్త: ఎన్టీఆర్ తండ్రిగా బాలకృష్ణ.. బడా డైరెక్టర్ ప్లాన్.!

ఈ ఇద్దరూ ఇలా సెట్ అయిపోయారు

ప్రస్తుతం నందమూరి బాలకృష్ణ.. మాస్ డైరెక్టర్ బోయపాటి శ్రీనుతో సినిమా చేస్తున్నారు. ‘సింహా', ‘లెజెండ్' వంటి హిట్ల తర్వాత ఈ సినిమా రాబోతుంది. దీన్ని మిర్యాల రవీందర్ రెడ్డి నిర్మిస్తున్నారు. తారక్ మాత్రం రామ్ చరణ్‌తో కలిసి ‘RRR'లో నటిస్తున్నాడు. దర్శకధీరుడు రాజమౌళి తెరకెక్కిస్తున్న ఈ మూవీలో అతడు కొమరం భీంగా కనిపించబోతున్నాడు.

జూనియర్ ఎన్టీఆర్ ఆయనతో మరోసారి

ప్రస్తుతం RRR షూటింగ్‌తో బిజీగా ఉన్న తారక్.. దీని తర్వాత ఎవరితో సినిమా చేస్తాడన్న దానిపై ఎన్నో వార్తలు ప్రచారం అవుతున్నాయి. ఈ నేపథ్యంలో దీనికి సంబంధించిన ఓ న్యూస్ ఇండస్ట్రీలో హాట్ టాపిక్ అవుతోంది. దీని ప్రకారం.. మాటల మాంత్రికుడు త్రివిక్రమ్ శ్రీనివాస్‌ దర్శకత్వంలో ఆయన నటించబోతున్నాడట. గతంలో వీళ్ల కాంబోలో ‘అరవింద సమేత' అనే మూవీ వచ్చింది.

అదే సెంటిమెంట్.. అదిరిపోయిందిగా

త్రివిక్రమ్ - జూనియర్ ఎన్టీఆర్ కాంబోలో రాబోతున్న సినిమాకు ‘అయిననూ పోయిరావలె.. హస్తినకు' అనే టైటిల్ రిజిస్టర్ చేయించారని ప్రచారం జరుగుతోంది. త్రివిక్రమ్‌కు ‘అ' సెంటిమెంట్ వర్కౌట్ అయింది. అందుకే మరోసారి దానిని ఫాలో అయ్యారని అంటున్నారు. హారిక హాసిని బ్యానర్‌పై రాధాకృష్ణ నిర్మించే ఈ మూవీలో రష్మిక మందన్నా హీరోయిన్. థమన్ సంగీతం అందించనున్నాడు.

నందమూరి ఫ్యాన్స్‌కు పండుగ లాంటి వార్త

తాజాగా ఈ ప్రాజెక్టు గురించి ఓ సెన్సేషనల్ న్యూస్ బయటకు వచ్చింది. దీని ప్రకారం.. ఈ మూవీలో నందమూరి బాలకృష్ణ నటిస్తున్నాడట. అది కూడా ఎన్టీఆర్‌కు తండ్రిగా చేస్తున్నాడని అంటున్నారు. ఇప్పటికే దీనికి సంబంధించిన చర్చలు కూడా ముగిశాయనే టాక్ వినిపిస్తోంది. దీంతో నందమూరి అభిమానులు ఖుషీ అయిపోతున్నారు.

బాలయ్య - కల్యాణ్ రామ్ కూడా

గత ఏడాది ప్రారంభంలో బాలయ్య.. తన తండ్రి నందమూరి తారక రామారావు జీవిత చరిత్ర ఆధారంగా ‘యన్.టి.ఆర్' అనే మూవీ చేశారు. రెండు భాగాలుగా విడుదలైన ఈ సినిమాలో బాలయ్య.. ఎన్టీఆర్ పాత్రను పోషించగా.. కల్యాణ్ రామ్ తన తండ్రి హరికృష్ణ క్యారెక్టర్ చేశారు. ఈ సినిమా హిట్ కాకున్నా వీళ్లిద్దరి మధ్య వచ్చిన సన్నివేశాలు బాగా పేలాయి.

Recommended Video

Ruler Movie Success Meet | Balakrishna | KS Ravi Kumar

ఎన్టీఆర్ తండ్రిగా మెగా హీరో

ఇక, గతంలో త్రివిక్రమ్ - ఎన్టీఆర్ కాంబినేషన్‌లో వచ్చిన ‘అరవింద సమేత' ఎంతటి విజయాన్ని అందుకుందో ప్రత్యేకంగా చెప్పనక్కర్లేదు. ఇందులో తారక్‌కు తండ్రిగా మెగా కాంపౌండ్‌కు చెందిన నాగబాబును తీసుకున్నారు. ఇందులో ఆయన కనిపించేది కొద్ది సేపే అయినా మంచి స్పందన వచ్చింది.