ప్రభాస్ పెళ్లి గురించి హాట్ టాపిక్... గుంటూరుకు లింకు, ఆ అమ్మాయేనా?

గుంటూరులో సందడి

ప్రభాస్ గుంటూరుకు చెందిన అమ్మాయిని పెళ్లాడబోతున్నాడనే వార్తలు ప్రచారంలోకి రావడంతో అక్కడి అభిమానుల్లో సందడి వాతావరణం నెలకొంది. ప్రభాస్ పెళ్లాడబోయే అమ్మాయి ఎవరయి ఉంటారు? అని ఉత్కంఠగా ఎదురు చూస్తున్నారు.

బంధువుల అమ్మాయేనంట

ప్రభాస్ పెదనాన్న కృష్ణం రాజు, ఇతర కుటుంబ సభ్యులు కొన్ని రోజులుగా వధువును వెతికే పనిలో నిమగ్నమై ఉన్నారు. ఎట్టకేలకు ప్రభాస్‌కు సరిజోడైన అమ్మాయిని గుంటూరులో కనుకొన్నారట. ప్రభాస్ కూడా ఓకే చెప్పడంతో ఫైనల్ అయినట్లు తెలుస్తోంది. ఆవిడ ప్రభాస్ బంధువల అమ్మాయే అని అంటున్నారు. అక్టోబర్ 23న ఇందుకు పూర్తి వివరాలు రివీలయ్యే అవకాశం ఉంది.

ఆ వార్తల్లో నిజం లేనట్లేనా?

కొన్ని రోజులుగా ప్రభాస్, అనుష్క పెళ్లి చేసుకోబోతున్నట్లు వార్తలు వినిపిస్తున్న సంగతి తెలిసిందే. ఇద్దరూ ఈవిషయాన్ని ఖండించినా రూమర్స్ మాత్రం ఆగడం లేదు. ఇటీవల ప్రభాస్‌ను కలిసేందుకు అనుష్క విదేశాలకు వెళ్లినట్లు వార్తలు ప్రచారంలోకి వచ్చాయి. గుంటూరు మ్యాటర్ తర్వాత ప్రభాస్-అనుష్క పెళ్లి వార్తల్లో నిజం లేదని చాలా మంది నమ్ముతున్నారు.

ప్రభాస్

ప్రభాస్ సినిమాల విషయానికొస్తే... బాహుబలి తర్వాత ప్రభాస్ నటిస్తున్న ‘సాహో' మూవీ షూటింగ్ చివరి దశలో ఉంది. సుజీత్ దర్శకత్వం వహిస్తున్న ఈ చిత్రం 2019లో ప్రేక్షకుల ముందుకు రాబోతోంది. దీంతో పాటు కెకె రాధామోహన్ దర్శకత్వంలో మరో సినిమాలో సైతం ప్రభాస్ నటిస్తున్నారు. గోపీకృష్ణ మూవీస్, యూవి క్రియేషన్స్ సంయుక్తంగా ఈ చిత్రాన్ని నిర్మిస్తున్నాయి.