NBK 109 : బాలయ్య కొత్త సినిమాలో జగతి మేడం... అఖండ రేంజ్​లో ఆమె పాత్ర!

జగతి మేడమ్ అలియాస్ జ్యోతి రాయ్ గురించి ప్రత్యేకంగా చెప్పాల్సిన అవసరం లేదు. సోషల్ మీడియా ఫాలో అయ్యే వారికి ఈ పేరు బాగా తెలుసు. గుప్పెడంత మనసు సీరియల్​తో ట్రెడిషనల్​గా మంచి పాపులారిటీని తెచ్చుకున్న ఈమె ఆ తర్వాత తన రియల్ బోల్డ్​ లుక్​ను బయట పెట్టి పెద్ద షాకే ఇచ్చింది. ఇప్పుడు క్రమ క్రమంగా అందరూ ఆ అందాలకు బానిసలుగా మారి వాటిని ఆస్వాదించడం కూడా మొదలెట్టేశారు. అయితే ఇప్పుడామెకు ఓ బంపర్ ఆఫర్ వచ్చినట్లు తెలుస్తోంది. నందమూరి నట సింహం బాలయ్య సినిమాలో నటించే అవకాశాన్ని దక్కించుకుందని ప్రచారం సాగుతోంది. ఆ వివరాలు..

సోషల్​​ హాట్ ​నెస్ బ్యూటీ జ్యోతి రాయ్​ అందాల ఆరబోతకు హద్దులే లేకుండా పోయింది. కుర్ర భామలకు పోటీగా పొట్టి పొట్టి దుస్తుల్లో కిల్లింగ్​ లక్స్​తో కుర్రాళ్ల హార్ట్ బీట్​ను పెంచేస్తోంది. మొదట సీరియల్​లో అమ్మ పాత్ర పోషించి మంచి క్రేజ్ తెచ్చుకున్న ఈమె ఇప్పుడు సినిమాల్లో సీరియల్స్​లో మెయిన్ లీడ్​ రోల్స్​ చేసేందుకు రెడీ అవుతోంది. ప్రస్తుతం వెబ్​ సిరీస్​లలో నటిస్తోంది. అలాగే సినిమాల్లోనూ సహాయ పాత్రలు చేస్తోంది.

అయితే కెరీర్​లో మరింత ముందుకెళ్లడం కోసం గ్లామర్ డోస్​ను పెంచి యూత్​ ఆడియెన్స్​, దర్శక నిర్మాతలకు ఎర వేస్తోంది! అలా ఇప్పటికే తెలుగు చిత్రసీమలో పలు బడా ఆఫర్స్​ను అందుకోబోతుందని వార్తలు ఎక్కువ వస్తున్నాయి. ఎన్టీఆర్ 31 సినిమాలోనూ అవకాశం దక్కిందని ఆ మధ్య ప్రచారం సాగింది. అయితే ఇప్పుడీ .అమ్మడుకు మరో అదిరిపోయే బంపర్ ఆఫర్ వచ్చిందని తెలుస్తోంది.

నందమూరి నటసింహం బాలకృష్ణ నటిస్తున్న లేటెస్ట్ మూవీలో ఓ కీలక పాత్ర పోషించే ఛాన్స్ వచ్చిందని అంటున్నారు. అదే ఎన్​బీకే 109 మూవీ. అఖండలో పూర్ణాది ఎంత మంచి పాత్రో తెలుసు కదా? కథకు బలమైన అలాంటి పాత్రే ఇప్పుడు దర్శకుడు బాబీ ఎన్​బీకే 109లో జ్యోతి రాయ్​కు ఇచ్చారట. ప్రస్తుతం ఈ న్యూస్​ ఫుల్ వైరల్​గా మారింది. ఒకవేళ ఇదే కనుక నిజమై ఆమె పాత్ర సక్సెస్ అయితే.. ఇప్పటివరకు ఆమెపై ఉన్న నెగటివ్ ప్రచారం కాస్త తగ్గుతదనే చెప్పాలి.

ఇక ఎన్​బీకే 109 విషయానికొస్తే.. భగవంత్‌ కేసరి వంటి బ్లాక్ బాస్టర్ హిట్ తర్వాత బాలయ్య నటిస్తోన్న చిత్రమిది. పవర్‌ఫుల్‌ యాక్షన్‌ బ్యాక్​డ్రాప్​తో సినిమా వస్తోంది. ఇప్పటికే రెగ్యులర్‌ షూటింగ్ కూడా ప్రారంభమైంది. బ్లడ్‌ బాత్‌కు బ్రాండ్‌ నేమ్‌.. వయలెన్స్‌కు విజిటింగ్‌ కార్డ్‌ అనే క్యాప్షన్‌తో రిలీజైన పోస్టర్ ఇప్పటికే అభిమానుల్లో పూనకాలను తెప్పించింది.

సితార ఎంటర్‌ టైనర్‌ మెంట్‌ బ్యానర్​పై సూర్య దేవర నాగ వంశీ, సాయి సౌజన్య మూవీని ప్రొడ్యూస్ చేస్తున్నారు. చిత్రంలోని ఓ కీలక పాత్రలో మలయాళ స్టార్ దుల్కర్‌ సల్మాన్‌ కనిపించనున్నట్లు ప్రచారం సాగుతోంది. బాలీవుడ్ భామ ఊర్వశి రౌతేలా మరో కీలక పాత్రలో నటించనుంది. చూడాలి మరి ఈ సినిమా ఏ రేంజ్​లో అభిమానులను ఆకట్టుకుంటుందో...