ఇలియానాని దాటుతున్న హన్సిక?

By Staff

Published: Wednesday, March 11, 2026, 5:24 [IST]

'దేవదాసు' తర్వాత ఇలియానా తిరుగులేని స్టార్ గా ఎదిగిపోయింది. కానీ ఇప్పుడు పరిస్ధితులు మారాయి. టాలీవుడ్ లో హన్సికకి ఉన్న డిమాండు మరే హీరోయిన్ కీ లేదు. చాలామంది హీరోలు డైరక్టుగానో, ఇన్ డైరక్ట్ గానో ఆమెని తమ ప్రక్కన చేయించటానికి తాపత్రయపడుతున్నారు. నిర్మాతలపై ఒత్తిడి తెస్తున్నారు. ఈ మానియా ఎంతదాకా వెళ్ళిందంటే ఆమె డేట్స్ తెచ్చుకుంటే అన్ని ప్రాజెక్ట్స్ ప్రక్కన పెట్టి సినిమా ప్రారంభిస్తామని దర్శకులకు చెపుతున్నారుట. ఇక ఇలియానా ఈ మధ్య నటించిన సినిమాలు భాక్సాఫీసుని పెద్దగా మెప్పించకపోవటంతో మొహం మొత్తినట్లు ఫీలయి ఆమె జోలికి వెళ్ళటం లేదు. దాంతో కోటి డిమాండు చేసినామె తగ్గి బేరసారాలతో రాయబారాలు చేస్తోంది.

ఇక హన్సిక విడుదలయినవి రెండు సినిమాలే ( కంత్రి ,దేశముదురు) గానీ పూర్తి స్ధాయి క్రేజ్ తెచ్చుకుంది. అందులోనూ ఒళ్ళు తగ్గి నాజూకుగా మారి తానూ కోటి డిమాండు చేయటం ప్రారంభిస్తోందిట. దాంతో విసుగు వచ్చిన పవన్ ఆమెను తమ 'పులి' ప్రాజెక్టు నుండి తప్పించినట్లు వార్తలు వినవస్తున్నాయి. ఇక ఆమె 55 వ ఫిల్మ్ ఫేర్ అవార్డు లలో 'బెస్ట్ డెబ్యూట్' అవార్డుని సొంతం చేసుకోవటంతో మరీ క్రేజ్ వచ్చింది. అందుకే ఆమె వరసగా తమిళ,తెలుగు,మళయాల,కన్నడ సినిమాల్లో ఆఫర్స్ సొంతం చేసుకొంటోంది.

More from Filmibeat