Click it and Unblock the Notifications
Prabhas ఫ్యాన్స్కు పిచ్చెక్కిస్తున్న ప్రభాస్ సెన్సేషనల్ లైనప్ - వేల కోట్ల బిజినెస్!
Prabhas Upcoming Movies పాన్ ఇండియా స్టార్ ప్రభాస్ గురించి ప్రత్యేకంగా చెప్పనక్కర్లేదు. ప్రస్తుతం వరుస సినిమాలతో ఫుల్ బిజీగా గడుపుతున్నారు. రీసెంట్గా సలార్తో బాక్సాఫీస్ ముందు భారీ సక్సెస్ను అందుకున్న ఆయన తన తదుపరి సినిమాల కోసం రెడీ అవుతున్నారు. ఇప్పుడాయన ముందు భారీ లైనప్ ఉంది. ఆయన చేతిలో దాదాపు నాలుగు ఐదు సినిమాలు ఉన్నాయి. దాని గురించే ఈ కథనం..
గతేడాది సలార్ చిత్రంతో భారీ బ్లాక్ బస్టర్ హిట్ అందుకున్నారు రెబల్ స్టార్ హీరో ప్రభాస్. నెక్ట్స్ ఈయన నుంచి రాబోతున్న భారీ చిత్రం 'కల్కి 2898 ఏడి'. ఈ మోస్ట్ ఎవెయిటెడ్ చిత్రాన్ని మహానటి ఫేమ్ నాగ్ అశ్విన్ దర్శకత్వం వహిస్తున్నారు. సైన్స్ ఫిక్షన్ జానర్లో అత్యంత భారీ బడ్జెట్తో రూపొందుతోంది. ఇప్పటికే విడుదల చేసిన గ్లింప్స్ కూడా సోషల్ మీడియాలో భారీ వ్యూస్ను అందుకుని టాక్ ఆఫ్ ది ఇండస్ట్రీగా నిలిచింది. మే 9న ఈ చిత్రాన్ని గ్రాండ్గా విడుదల చేస్తున్నారు.
ఇక ఈ చిత్రం తర్వాత ప్రభాస్ నుంచి ఈ ఏడాది రాబోయే చిత్రాలు రాజాసాబ్, కన్నప్ప. హారర్ కామెడీ జానర్లో దర్శకుడు మారుతి ఈ రాజాసాబ్ను తెరకెక్కిస్తున్నారు. పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్ దీనిని నిర్మిస్తున్నారు. నిధి అగర్వాల్, రిద్ధి కుమార్, మాళవిక మోహన్ హీరోయిన్లుగా నటిస్తున్నారు. ఇక మంచు విష్ణు ప్రధాన పాత్రల్లో నటిస్తున్న కన్నప్పలో ప్రభాస్ శివుడి పాత్ర పోషిస్తున్నారు. అలా రాబోయే ఈ 12 నెలల్లో మూడు చిత్రాల్లో రెబల్ స్టార్ ఫ్యాన్స్ను అలరించనున్నారు.
ఇక ఈ చిత్రాలతో పాటు వచ్చే ఏడాది సలార్2, స్పిరిట్, కల్కి సీక్వెల్ రానున్నాయి. వీటిపై అంచనాలు కూడా అంతకంతకూ పెరుగుతూ పోతున్నాయి. సలార్కు కొనసాగింపుగా సలార్ 2 వచ్చే అవకాశముంది. వీలైనంత వరకు ఈ చిత్రాన్ని ఎక్కువ ఆలస్యం చేయకుండా త్వరగా ప్రేక్షకుల ముందుకు తీసుకురావాలని ప్లాన్ చేస్తున్నారట. ఎందుకంటే ప్రభాస్ యాక్షన్ సీక్వెన్స్, స్వాగ్ అభిమానులకు హై ఫీస్ట్ ఇచ్చింది. అలాగే సలార్ 2 స్క్రిప్ట్ కూడా రెడీగా ఉందట. అందుకే వీలైనంత త్వరగా సలార్ 2ను సెట్స్పైకి తీసుకెళ్లాలని డిసైడ్ అయ్యారట. వచ్చే 15 నెలల్లో సలార్ 2ను పూర్తి చేసి ఎట్టి పరిస్థితుల్లో 2025లో విడుదల చేస్తామని ఆ మధ్య చిత్ర నిర్మాతలు తెలిపారు.
ఆ తర్వాత సందీప్ రెడ్డి వంగాతో స్పిరిట్, కల్కి సీక్వెల్ సందడి చేయనున్నాయి. ఇంకా ప్రభాస్ లైనప్లో మళ్లీ జక్కన్న పేరు కూడా వినిపిస్తోంది. ఈయనతో పాటు బోయపాటి శ్రీను, లోకేశ్ కనగరాజ్ డైరెక్షన్లో కూడా ప్రభాస్ నటించనున్నారని ప్రచారం సాగుతోంది. ఇప్పటికే వీరిలో లోకేశ్ కనగరాజ్ తన సినిమాను కన్ఫామ్ కూడా చేశారు.
ఇక ఈ సినిమాల లైనప్ మధ్యలో మరో వినిపిస్తున్న పేరు హను రాఘపూడి. ఈ చిత్రాన్ని మైత్రీ మూవీ మేకర్స్ నిర్మిస్తున్నట్లు టాక్ వినిపిస్తోంది. ఇది వరల్డ్ వార్ నేపథ్యంలో సాగే అద్భుతమైన లవ్ స్టోరీ అని అంటున్నారు. అలా ప్రభాస్ చేతిలో ఇంత పెద్ద లైనప్ ఉంది. మరి ఈ చిత్రాలన్ని అనుకున్న సమయానికే వస్తాయా లేదా అన్నది క్లారిటీగా చెప్పలేం. ఈ చిత్రాలన్ని అనుకున్నట్లు తెరకెక్కితే వేల కోట్ల బిజినెస్ జరగడం ఖాయం. కానీ ఏది ఏమైనా ప్రభాస్ ఫ్యాన్స్ మాత్రం ఈ భారీ లైనప్తో పండగ చేసుకుంటున్నారు.
Continue with Google