Sai Pallavi: సాయి పల్లవి గుడ్ న్యూస్​.. త్వరలోనే దర్శకురాలిగా.. ఏ సినిమాతో అంటే?

సాయి పల్లవి ఈ పేరుకు ఫిల్మ్​ ఇండస్ట్రీలో ఉన్న క్రేజ్ గురించి ప్రత్యేకంగా చెప్పాల్సిన పని లేదు. మేకప్ వేసుకోదు, ఎక్స్ పోజింగ్ చేయదు, కేవలం యాక్టింగ్ స్కోప్ ఉన్న పాత్రలనే చేస్తుంది అనే ట్యాగ్​లైన్​ను సంపాదించుకుంది. తన నేచురల్​ స్మైల్​, యాక్టింగ్​తో అందరినీ కట్టిపడేసింది. అయితే ఇన్నేళ్ల పాటు నటనలో రాణించిన ఈ ముద్దుగుమ్మ ఇప్పుడు కొత్త అవతారం ఎత్తబోతుందని తెలిసింది. త్వరలోనే దర్శకురాలిగా మారబోతుందట. దీనికి సంబంధించిన పూర్తి వివరాలను స్టోరీలోకి వెళ్లి తెలుసుకుందాం..

మలయాళ సినిమా ప్రేమమ్​తో ఇండస్ట్రీకి పరిచయమైన బ్యూటీలు అనుపమ పరమేశ్వరన్, సాయిపల్లవి. తొలి చిత్రంతోనే ఇద్దరు గ్రాండ్ హిట్స్​ను ఖాతాలో వేసుకున్నారు. ఆడియెన్స్​కు హార్ట్​ ఫుల్​గా బాగా కనెక్ట్ అయిపోయారు. అయితే ఈ ఇద్దరిలో అనుపమ తన బోల్డ్ పెర్ఫామెన్స్​తో కురాళ్ల మదిలో స్థానం సంపాదించుకుంటే సాయి పల్లవి మాత్రం అందుకు భిన్నంగా చేసి చిరస్థాయిలో చోటును దక్కించుకుంది. తన చిత్రాలతో, వ్యక్తిత్వంతో ప్రేక్షకుల గుండెల్లో గూడు కట్టేసింది.

సూపర్ నేచురల్​ డ్యాన్సింగ్​, యాక్టింగ్ టాలెంట్​ ఉన్న సాయి పల్లవి ఫిదా సినిమాతో ఇక్కడి ప్రేక్షకులకు పరిచయమైంది. తెలంగాణ యాసలో తన పెర్ఫామెన్స్​తో అదరగొట్టేసింది. అనంతరం మిడిల్ క్లాస్ అబ్బాయి, కణం, పడి పడి లేచే మనసు వంటి సినిమాలతో వరుసగా అలరిస్తూ పోయింది. తర్వాత నాగచైతన్యతో కలిసి లవ్​ స్టోరీతో భారీ హిట్​ను అందుకుంది.

ఈ క్రమంలోనే పలు తమిళ సినిమాల్లోనూ నటించి మెప్పించింది. ఆమె చేసిన దియా, మారి 2, అథిరన్, పావ కదైగల్ వంటి సినిమాలు మంచి టాక్​నే తెచ్చుకున్నాయి. ఇంకా చెప్పాలంటే టాక్ ఎలా ఉన్నా ఆమె నటనకు ఎప్పటికప్పుడు క్రేజ్ మరింత పెరుగుతూ వచ్చింది. తెలుగులో చివరిగా నానితో శ్యామ్ సింగరాయ్, రానాతో విరాటపర్వం వంటి చిత్రాలు చేసింది. ఇందులో శ్యామ్ సింగరాయ్​ బాక్సాఫీస్ దగ్గర బాగా ఆడగా, విరాట పర్వం పర్వాలేదనిపించింది. ఇక చివరిగా ఆమె లేడి ఓరియెంటెడ్​ గార్గి చిత్రంతో అటు తమిళంతో ఇటు తెలుగులో మెప్పించింది.

ఇక గార్గి(2022) తర్వాత సాయి పల్లవి మళ్లీ స్క్రీన్​పై కనిపించలేదు. కేవలం ఆధ్యాత్మిక ప్రదేశాల టూర్​లకు తిరుగుతూ ప్రొఫెషనల్​ లైఫ్​కు కాస్త గ్యాప్ ఇచ్చింది. ఇక ఈ మధ్యనే ఆమె చెల్లికి కూడా ఎంగేజ్​మెంట్​ అయింది. ఈ హాడావుడిలోనే గడిపేసింది. ప్రస్తుతం తమిళంలో శివ కార్తికేయన్​తో ఓ మూవీ చేస్తోంది. ఇక రీసెంట్​గా రెండు సినిమాలకు గ్రీన్ సిగ్నల్ ఇచ్చింది. అందులో నాగచైతన్యతో కలిసి చేస్తున్న తండేల్ ఒకటి. ఇది సీ అండ్ లవ్ బ్యాక్​డ్రాప్​తో తెరకెక్కుతోంది. త్వరలోనే హిందీలో ఆమిర్ ఖాన్ కొడుకు సినిమాతో అరంగేట్రం ఇవ్వనుంది.

అలా ఇప్పటివరకు నటనలో రాణించి సక్సెస్ అయిన సాయిపల్లవి త్వరలోనే డైరెక్టర్​ అవతారం ఎత్తబోతున్నట్లు తెలిసింది. ప్రస్తుతం ఆమెనే స్వయంగా ఓ ఇంటెన్స్ స్టోరీ రాస్తోందని తెలిసింది. దీనికి తానే దర్శకత్వం వహించనుందట. ఒకవేళ ఇది కనుక నిజమైతే కెరీర్​లోనే సాయిపల్లవి డైరెక్ట్ చేయబోయే తొలి సినిమా ఇదే కావడం విశేషం. చూడాలి మరి ఏం జరుగుతుందో..