ప్రభాస్‌పై ‘ఆర్ఆర్ఆర్’ రూమర్... నిజంగా రాజమౌళి ఆ నిర్ణయం తీసుకున్నాడా?

ప్రభాస్-రాజమౌళి

ప్రభాస్, రాజమౌళి ఇంతకు ముందు ఛత్రపతి, బాహుబలి, బాహుబలి 2 చిత్రాలకు కలిపి పని చేశారు. ఈ మూడు చిత్రాలు బాక్సాఫీసు వద్ద సంచలన విజయం సాధించాయి. అయితే ‘ఆర్ఆర్ఆర్'లో ప్రభాస్ గెస్ట్ రోల్ ఉంటే సినిమాపై క్రేజ్ మరింత పెరుగుతుందని రాజమౌళి భావిస్తున్నారట.

ఇంకా హీరోయిన్స్ దొరకలేదు

అయితే ఈ చిత్రంలో రామ్ చరణ్, ఎన్టీఆర్ సరసన నటించే హీరోయిన్లు ఎవరు? అనేది ఫైనల్ కాలేదు. ఫిల్మ్ నగర్ రూమర్స్ ప్రకారం... రాజమౌళి ఇటీవల బాలీవుడ్ నటి అలియా భట్‌తో సంప్రదింపులు జరిపినట్లు తెలుస్తోంది. గతంలో పరిణీతి చోప్రా పేరు కూడా ప్రచారంలోకి వచ్చింది.

ఆర్ఆర్ఆర్

ప్రస్తుతం ‘ఆర్ఆర్ఆర్' షూటింగ్ శరవేగంగా జరుగుతోంది. రూ. 300 కోట్ల భారీ బడ్జెట్‌తో తెరకెక్కుతున్న ఈ చిత్రాన్ని ప్రముఖ నిర్మాత డివివి దానయ్య డివివి ఎంటర్టెన్మెంట్స్ పతాకంపై నిర్మిస్తున్నారు.

ప్రభాస్ బిజీ బిజీ

ప్రభాస్ ప్రస్తుతం సుజీత్ దర్శకత్వంలో ‘సాహో'తో పాటు ‘జిల్'ఫేం రాధాకృష్ణ దర్శకత్వంలో మరో చిత్రం చేస్తూ బిజీగా గడుపుతున్నారు. ‘సాహో' మూవీ ఆగస్టు 15న స్వాతంత్ర్య దినోత్సవం సందర్భంగా విడుదల చేసేందుకు ప్లాన్ చేస్తున్నారు.