'వాహ్ ....నమితా!' అంటున్న ఇళయరాజా....

By Staff

| Published: Monday, June 23, 2008, 17:53 [IST]

ఇళయరాజా చాలా రిజర్వడుగా ఉంటారు. ఆయన పని ఆయనకే తప్ప వేరేవి పట్టవు. ఇవీ ఆయన కెరీర్ ప్రారంభంనుండి అందుకున్న ప్రశంసలు. కానీ ఇప్పుడాయన వాటిని ప్రక్కనపెట్టి సెక్సీ నటి నమిత వెనుక తెగ తిరుగుతున్నారు...ఆమెను పనిమాలా మెచ్చుకుంటున్నారనే వార్త తమిళ పరిశ్రమలో చక్కర్లు కొడుతోంది. అది విన్నవారిని విభ్రాంతికి గురిచేస్తోంది. కొందరేమో నమిత సామాన్యురాలు కాదని మరోసారి రుజువు చేసుకుందని అంటున్నారు.

అసలు యేం జరిగిందిని కొందరు ఎంక్వైరీ కమీషన్లు వేసి ఆరా తీస్తే తేలిందేమిటంటే నమిత ప్రస్తుతం 'జగన్మోహిని' చిత్రంలో చేస్తోంది కదా. దానికి ఇళయరాజా సంగీతం అందిస్తున్నారు. జయమాలిని ఆ రోజుల్లో చేసిన ఆ పాత్ర నమిత చేస్తోంది. అసలే ఆ పాత్ర కొంత సెక్సీ లుక్స్ తో ఉంటుంది. అందులోనూ నమిత చేస్తూండటంతో అది మరింత స్పైసీ గా తయారైంది. అనుకోకండా ఆ షూటింగ్ కి ఇళయరాజా అటెండ్ అయ్యారట.

సరిగ్గా అప్పుడే సాంగ్ సీక్వెన్స్ ని తెరకెక్కిస్తున్నారట. దాంతో రియల్ గా ఆమె భారి అందాలు ఆ సాంగ్ లో చూడటం ఆయన ఎంజాయ్ చేయటం జర్గిందిట. అంతేగాక ఆ పాట పూర్తయ్యే దాకా ఆగి ఆమెను వాహ్ నమితా అనే అర్ధం వచ్చేలా తమిళంలో మెచ్చుకున్నారుట. ఆమె ఆనందం పట్టలేక పోవటం జరిగిందిట. ఈ సన్నివేశం మొత్తం అక్కడున్న అందరి కళ్ళల్లో పడి అలా...అలా ప్రయాణం ప్రారంభించిందిట. నమితా ఇదంతా యేమిటంటే ...ఓ కళాకారుడు ...స్పందన అంటూ గొప్పలు పోతోందిట. అదీ నమితా...ఇళయరాజా కథ.