అందుకే అజ్ఞాతవాసి ఫట్, ‘అరవింద’, ‘అల’ హిట్స్.. ఆ ఒక్క నిర్ణయమే అంతా మార్చేసిందట

కారణం తెలుసుకున్న త్రివిక్రమ్..

ఎవరైనా సరే ఓ భారీ డిజాస్టర్‌ను చవిచూశాక అంత త్వరగా కోలుకోలేరు. అదే బాధలో ఉండిపోతారు. కానీ త్రివిక్రమ్ మాత్రం అలా కాదు.. ఎంత పెద్ద డిజాస్టర్ ఇచ్చాడో అంతకు మించి ఇండస్ట్రీ హిట్‌ను ఇచ్చాడు. ఆ సినిమా పోవడానికి, ఈ సినిమాలు ఆడటానికి కారణాన్ని తొందరగా కనిపెట్టి తన కెరీర్‌ను సేఫ్ జోన్‌లో పెట్టుకున్నాడని టాక్.

వాస్తు లోపమే కారణమట..

త్రివిక్రమ్ చాలా ఫాస్ట్‌గా బౌన్స్ బ్యాక్ అవ్వటానికి కారణం వాస్తు అంటున్నారు! అవును ఇది వినడానికి కాస్త విడ్డూరంగా ఉన్నా.. ఇదే నిజమని టాక్ నడుస్తోంది. వాస్తు వల్లే 'అజ్ఞాతవాసి' చిత్రం పోయిందట... అప్పట్లో త్రివిక్రమ్ ఉంటోన్న గృహం, వాస్తు శాస్త్ర నియమాలకు వ్యతిరేకంగా, కొంత భాగం నిర్మించారట.

కొత్తగా మళ్లీ నిర్మాణం..

వాస్తు నియమాలకు వ్యతిరేకంగా కట్టడంతోనే 'అజ్ఞాతవాసి' అడ్డంగా బుక్కైపోయిందట. వాస్తు దోషం పోయేలా తన ఇంట్లోని కొంత భాగం కూల్చి మళ్లీ కట్టించాడట.. అందుకే అరవింద సూపర్ హిట్ అయితే.. అల వైకుంఠపురములో ఇండస్ట్రీ హిట్ అయిందట.

Recommended Video

Agnyaathavasi Effect : Nithin Ignores Trivikram

నాన్ బాహుబలి వైపు..

అల వైకుంఠపురములో చిత్రం నాన్ బాహుబలి రికార్డులు బద్దలు కొడుతున్నాడు. రెండు తెలుగు రాష్ట్రాల్లో దాదాపు అన్ని ఏరియాల్లో నాన్ బాహుబలి రికార్డులను నమోదు చేస్తుండగా.. ఓవర్సీస్‌లో ఇప్పటికే భరత్ అనే నేను సినిమాను క్రాస్ చేసి రామ్ చరణ్ రంగస్థలంపై కన్నేసింది.