Don't Miss!
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Finance Iran-Israel War: స్టాక్ మార్కెట్లపై ఇరాన్-ఇజ్రాయెల్ వార్ ప్రభావం ఇదే..!! జాగ్రత్త..
- News కాంగ్రెస్లో బీఆర్ఎస్ ఎమ్మెల్యే: రేవంత్తో భేటీ: గ్రేటర్ హైదరాబాద్లో భారీ షాక్
- Lifestyle డిఫరెంట్ స్టైల్ లో నోనూరించే మటన్ రోస్ట్
- Technology ఆంధ్రప్రదేశ్ లో 7.9 మిలియన్ల 5G యూజర్ లతో, Airtel మరో రికార్డు! 5G విస్తరణ వివరాలు
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
- Sports వరుస పరాజయాల వేళ.. ఆర్సీబీ, కోహ్లీ ఫ్యాన్స్కు గుడ్ న్యూస్
RRR నుంచి సెన్సేషనల్ అప్డేట్: పోలీస్ పాత్రలో కనిపించనున్న రామ్ చరణ్.. అసలు కారణం ఇదే.!
ప్రస్తుతం ఉన్న టాలీవుడ్ దర్శకుల్లో ఎస్ ఎస్ రాజమౌళి పేరును ప్రత్యేకంగా చెప్పుకుంటారు. దీనికి కారణం ఆయన సక్సెస్ఫుల్ డైరెక్టర్ కావడమే. అంతేకాదు, 'బాహుబలి' సిరీస్తో జక్కన్న తెలుగు సినిమా ఖ్యాతిని విశ్వవ్యాప్తం చేసేశాడు. ఈ సినిమా ఎంతటి విజయాన్ని అందుకుందో ప్రత్యేకంగా చెప్పనక్కర్లేదు. అందుకే ఆయనతో సినిమా చేయాలని ప్రతి ఒక్క హీరో అనుకుంటాడు. బాహుబలి వంటి బడా హిట్ తర్వాత రాజమౌళి తెరకెక్కిస్తున్న చిత్రం 'RRR'. తాజాగా ఈ సినిమా గురించి ఓ సెన్సేషనల్ న్యూస్ బయటకు వచ్చింది. పూర్తి వివరాల్లోకి వెళితే....
ఇందులో ఎవరెవరు ఉన్నారో చూడండి
ప్రతిష్టాత్మకంగా తెరకెక్కుతున్న చిత్రాల్లో RRR ఒకటి. రాజమౌళి తెరకెక్కిస్తున్న ఈ మూవీలో ఎన్టీఆర్.. కొమరం భీంగా, చరణ్.. అల్లూరి సీతారామరాజుగా కనిపించబోతున్నారు. వీరికి జోడీగా ఒలీవియా మోరిస్, ఆలియా భట్ నటిస్తున్నారు. అలాగే అజయ్ దేవగణ్, సముద్రఖని, రాహుల్ రామకృష్ణ, రే స్టీవెన్సన్, అలిసన్ డూడీ సహా ఎంతో మంది ప్రముఖులు నటిస్తున్నారు.
ఇద్దరు హీరోలనే కాదు వాళ్లను కూడా కలిపాడు
రాజమౌళి తీస్తున్న RRRలో రెండు ప్రముఖ కుటుంబాలకు చెందిన హీరోలు జూనియర్ ఎన్టీఆర్, రామ్ చరణ్ నటిస్తుండడం ఆసక్తిని రేకెత్తిస్తోంది. ప్రస్తుతం ఈ ఇద్దరు హీరోలు స్టార్లుగా వెలుగొందుతున్న వారు కావడంతో సినిమాపై అంచనాలు భారీగా ఏర్పడ్డాయి. అదే సమయంలో ఈ సినిమా వల్ల ఈ రెండు కుటుంబాలకు చెందిన అభిమానులు కూడా ఒక్కటయ్యారు.
రాజమౌళి అదిరిపోయే ప్లాన్లు.. సినిమాకు ప్లస్
భారీ బడ్జెట్తో తెరకెక్కుతున్న ఈ సినిమా విషయంలో రాజమౌళి ఎన్నో ప్లాన్లు వేస్తున్నారని కొద్ది రోజులుగా వార్తలు వస్తున్నాయి. ఇందులో బాలీవుడ్, హాలీవుడ్కు చెందిన నటులను తీసుకోవడంతో సినిమాను చాలా మందికి చేరువ చేశాడు. అలాగే, ఈ మూవీలో ఎన్టీఆర్ పులితో ఫైట్ చేసే సీన్ పెట్టడం సహా పలు అంశాల వల్ల బాగా ప్లస్ అవుతోంది.
పోలీస్ పాత్రలో కనిపించనున్న రామ్ చరణ్
డీవీవీ దానయ్య భారీ బడ్జెట్తో తెరకెక్కిస్తున్న ఈ సినిమా గురించి తాజాగా ఓ సెన్సేషనల్ న్యూస్ బయటకు వచ్చింది. దీని ప్రకారం.. ఇందులో అల్లూరి సీతారామరాజుగా కనిపించబోతున్న రామ్ చరణ్.. పోలీస్ పాత్రను కూడా పోషించబోతున్నాడట. అవును... ఈ సినిమాలో ఓ కీలకమైన ఎపిసోడ్ కోసం అతడు ఖాకీ దుస్తులు వేసుకుంటున్నాడట. ఇది 5-8 నిమిషాలు ఉంటుందని టాక్.
Recommended Video
అల్లూరి.. పోలీస్గా ఎందుకు మారుతాడంటే..
రామ్ చరణ్ పోషిస్తున్న అల్లూరి సీతారామరాజు స్వాతంత్ర్యం కోసం తెల్లవాళ్లతో పోరాటం చేశాడు. ఇందులో భాగంగానే అతడు పోలీసులను అంతమొందించడానికి ఆ బట్టలు వేసుకుని వాళ్లతో కలుస్తాడట. అచ్చం పోలీస్లానే ఉంటూ వారిలో ఒక్కక్కరినీ చంపేస్తాడని తెలిసింది. ఈ సీన్ మొత్తం అల్లూరి సీతారామరాజు పాత్రకు హైలైట్గా ఉంటుందని అంటున్నారు.