స్టార్ హీరోయిన్‌తో దర్శకుడు రాఘవేంద్రరావు కుమారుడి రెండో పెళ్లి

నటుడిగా, దర్శకుడిగా

దర్శకుడు రాఘవేంద్రరావు వారసుడిగా నీతో సినిమా ద్వారా నటుడిగా ప్రకాశ్ తన అదృష్టాన్ని పరీక్షించుకొన్నారు. ఆ తర్వాత మార్నింగ్ రాగ సినిమాతో బాలీవుడ్ ఎంట్రీ ఇచ్చారు. అయితే నటుడిగా నిలదొక్కుకోకపోవడంతో దర్శకుడిగా మారిపోయారు. 2004లో బొమ్మలాట సినిమా ద్వారా ప్రకాశ్ దర్శకుడిగా టాలీవుడ్‌లోకి ఎంట్రీ ఇచ్చారు. ఆ తర్వాత అనగనగా ఓ ధీరుడు, సైజ్ జీరో, ఆ తర్వాత హిందీలో జడ్జిమెంటల్ హై క్యా అనే చిత్రాలను రూపొందించారు.

కనికతో పెళ్లి.. విడాకులు

హిందీలో తన ప్రయత్నాలు కొనసాగిస్తున్న సమయంలో రచయిత కనిక ధిల్లాన్‌తో పరిచయం ప్రేమగా మారింది. ఆ తర్వాత వారిద్దరూ వివాహం చేసుకొన్నారు. అయితే అభిప్రాయ బేధాలు తలెత్తడంతో ప్రకాశ్, కనిక విడిపోయారు. ఆ విషయం సినీ పరిశ్రమలో చర్చకు దారి తీసింది. అప్పటి నుంచి ప్రకాశ్ ఒంటరిగానే ఉంటున్నారు.

అనుష్కతో అఫైర్ అంటూ

ఇక అనుష్కతో ప్రకాశ్‌కు అఫైర్ కొనసాగుతున్నట్టు వార్తలు వెలుగులోకి వచ్చాయి. సైజు జీరో సినిమా సమయంలో వారిద్దరి మధ్య పరిచయం ముదిరిందనేది తాజా కథనాలు వెల్లడిస్తున్న విషయం. అయితే ఇప్పటికే అనుష్క పెళ్లి విషయంలో అనేక రూమర్లు మీడియాలో షికారు చేస్తున్నాయి. అయితే ప్రకాశ్‌తో పెళ్లి వార్తలో ఎంత నిజమున్నదనే విషయంలో అనేక సందేహాలు వ్యక్తమవుతున్నాయి.

Recommended Video

Shruti Haasan Hangs Out With Rana Daggubati || Filmibeat Telugu

నిశ్శబ్దంగా అనుష్క

ఇక అనుష్క కెరీర్ విషయానికి వస్తే.. ప్రస్తుతం నిశ్శబ్దం అనే చిత్రంలో నటిస్తున్నది. ఈ చిత్రానికి హేమంత్ మధుకర్ దర్శకుడు. మాధవన్, అంజలి, మైఖేల్ మ్యాడ్సన్, సుబ్బరాజు, షాలిని పాండే, శ్రీనివాస్ అవసరాల తదితరులు నటించారు. ఈ చిత్రం ఏప్రిల్ 2వ తేదీన రిలీజ్ కానున్నది. ఇక ప్రకాశ్ విషయానికి వస్తే.. జడ్జిమెంటల్ హై క్యా అనే చిత్రం తర్వాత మరో సినిమా చేస్తున్నట్టు వార్తలేమీ బయటకు రాలేదు.