నారా వారి హీరోకి కాంగ్రేస్ ట్విస్ట్?

By Staff

Published: Thursday, May 21, 2009, 18:08 [IST]

ప్రముఖ నిర్మాత అశ్వనీదత్ బ్యానర్ లో నారా రోహిత్ హీరోగా సినిమా ప్రారంభం కానుందనే వార్తలు వచ్చాయి. అయితే కాంగ్రేస్ గెలవటంతో ఈ సినిమా ప్రారంభం కాకపోవచ్చునని ఊహాగానాలు వినపడుతున్నాయి. తెలుగు దేశం పార్టీ అధ్యక్ష్యుడు నారా చంద్రబాబు సోదరుడైన రామ్మూర్తినాయుడు కుమారుడు నారా రోహిత్. చంద్రగిరి సీట్ ఎడ్జెస్టుమెంట్ కోసం రోహిత్ ని హీరో చేస్తానని హామీ ఇచ్చారని వినపడింది. చంద్రబాబు కోరికపైనే రోహిత్ ని హీరో చేయటానికి అశ్వనీదత్ ముందుకు వచ్చారు. అలాగే హీరోయిన్ గా తమన్నాని సైతం అడిగారని వినపడింది.

దంతలూరి చైతన్య అనే నూతన దర్శకుడు ఈ స్క్రిప్టు రెడీ చేసుకుని అడ్వాన్స్ సైతం తీసుకున్నారని వినపడింది. ఇందుకోసం రోహిత్ నటనలో మెళుకవలు కోసం ప్రత్యేక శిక్షణ సైతం పుచ్చుకున్నాడని తెలిసింది. అయితే ఇప్పుడు సీన్ మారింది కాబట్టి సినిమా ప్రారంభమయ్యే అవకాశం లేదంటున్నారు. అయితే రాజకీయాలకు,దీనికి సంభందం లేదని కొందరంటున్నారు. ఏదైమైనా తెలుగుదేశం గెలిస్తే ఈ ప్రాజెక్టు మరింత ఉషారుతో ప్రారంభమయ్యే అవకాశం ఉందనేది నిజం. ప్రారంభం కాకపోతే మాత్రం ఆ పుణ్యం కాంగ్రేస్ దే అంటున్నారు.

More from Filmibeat