భార్యతో విడాకుల దిశగా హృతిక్ రోషన్?

By Bojja Kumar

Published: Friday, September 20, 2013, 13:17 [IST]

హైదరాబాద్: బాలీవుడ్ స్టార్ హీరో హృతిక్ రోషన్, ఆయన భార్య సుస్సానె మధ్య విబేధలు వచ్చాయా? గత కొంతకాలంగా వీరి వైవాహిక జీవితం సాఫీగా సాగడం లేదా? వీరి కాపురంలో చెలరేగిన అలజడి చిలికి చిలికి ఇద్దరూ విడాకులు తీసుకునే దిశగా సాగుతోందా?...బాలీవుడ్లో వినిపిస్తున్న పుకార్లు వింటే ఇది నిజమేమో అనే అనుమానం రాక తప్పదు.

కొన్ని రోజుల క్రితం హృతిక్ రోషన్ తండ్రి రాకేష్ రోషన్ పుట్టినరోజు వేడుక గ్రాండ్‌గా జరిగిన సంగతి తెలిసిందే. ఆ వేడుకలో జరిగిన ఓ సంఘటన వీరి మధ్య విభేదాలు ఉన్నయనే వార్తలకు కారణమైంది. ఈ వేడుకకు సుస్సేనె లేటుగా రావడంతో పాటు వెంటనే వెళ్లి పోయిందట. తన తల్లిదండ్రులకు సరైన మర్యాద దక్కక పోవడం వల్లనే ఆమె ఇలా చేసిందట.

జాతీయ మీడియాలో వచ్చిన వార్తల ప్రకారం సుస్సానె ఇప్పుడు తన భర్తతో కలిసి ఉండటం లేదని, తన తల్లిదండ్రుల వద్దే ఉంటోందని తెలుస్తోంది. ఆమె ఇద్దరు కుమారులు హ్రెహాన్, హృదాన తండ్రి హృతిక్ రోషన్‌తో కలిసి ఉంటున్నారట. ఇద్దరు పిల్లలను తమ తల్లిని గ్రాండ్ ఫాందర్ ఇంటికి వెళ్లి కలుస్తున్నారని, సుస్సానె మాత్రం రోషన్ ఇంటి గడప తొక్కడం లేదని ప్రచారం సాగుతోంది.