Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘ఇస్మార్ట్ శంకర్’ ఆ సినిమాకు కాపీనా? లేక రీమేక్ చేశారా?
బడా డైరెక్టర్ పూరీ జగన్నాథ్, యంగ్ హీరో రామ్ కలయికలో వస్తున్న చిత్రం 'ఇస్మార్ట్ శంకర్'. చాలా కాలం హిట్ కోసం ఎదురు చూస్తున్న ఈ ఇద్దరు నటులు ఈ సారి ఎలాగైనా ఆ కోరికను తీర్చుకోవాలని చూస్తున్నారు. అందుకోసమే పక్కా మాస్ మసాలా కథతో వస్తున్నారు. పూరీకి ఇలాంటి సినిమాలు కొత్తేం కాకపోయినా.. రామ్ మాత్రం 'జగడం' తర్వాత ఈ తరహా సినిమా చేయడం ఇదే తొలిసారి. అందుకే దీనిపై అంచనాలు భారీగా ఉన్నాయి.
ప్రస్తుతం పోస్టు ప్రొడక్షన్ పనులన్నీ పూర్తి చేసుకున్న ఈ సినిమా త్వరలోనే విడుదల కానుంది. ఈ నేపథ్యంలో ఓ ఆసక్తికర విషయం బయటకు వచ్చింది. పూరీ తెరకెక్కించిన ఈ సినిమా ఓ బ్రిటీష్ సినిమాకు కాపీ అనేదే ఆ వార్త సారాంశం. ఎప్పుడూ ఒకే కథను మార్చి మార్చి తీస్తాడనే చెడ్డ పేరును మూటగట్టుకున్న పూరీ జగన్నాథ్.. ఈ సారి కొత్త కథతో రావాలని డిసైడ్ అయ్యాడు. ఇందులో భాగంగానే డబుల్ సిమ్ కాన్సెప్ట్తో వస్తున్నాడు.
అయితే, 'ఇస్మార్ట్ శంకర్' బ్రిటన్కు చెందిన 'ఐబాయ్' నుంచి కాపీ కొట్టారన్న టాక్ వినిపిస్తోంది. కొందరు ఈ సినిమా 'ఐబాయ్'కు కాపీనా..? లేక రీమేకా..? అన్న అనుమానాలూ వ్యక్తం చేస్తున్నారు. ఈ సినిమాను కెవిన్ బ్రూక్స్ నవల ఆధారంగా ఆడమ్ రాండెల్ తెరకెక్కించాడు. ఈ నవలలో కోమా నుంచి బయటకు వచ్చిన ఓ టీనేజర్ గురించి ఉంటుంది. అందులో అతడి మెదడులో సెల్ఫోన్ ఉండడంతో సూపర్ హ్యూమన్లా మారతాడు. ఇప్పుడిదే కథ 'ఇస్మార్ట్'లో ఉంటుందన్న కామెంట్లు వినిపిస్తున్నాయి.
పూరీ సొంత బ్యానర్ టూరింగ్ టాకీస్, సీనియర్ హీరోయిన్ ఛార్మీ సంయుక్తంగా నిర్మిస్తున్న ఈ చిత్రంలో రామ్ సరసన నిధీ అగర్వాల్, నభా నటేశ్ నటిస్తున్నారు. జూలై 18న ఈ సినిమా ప్రేక్షకుల ముందుకు రానున్నది. ఇప్పటికే విడుదలైన టీజర్, ట్రైలర్, సాంగ్స్కు మంచి స్పందనే వచ్చింది. ఇందులో రామ్ సరికొత్త లుక్, డైలాగ్ డెలివరీని ప్రయత్నించాడు. మరి, ఈ సినిమాతోనైనా పూరీ, రామ్ హిట్ ట్రాక్ ఎక్కుతారో లేదో చూడాలి.