పెళ్లికి తమన్నా గ్రీన్ సిగ్నల్.. వరుడు ఎవరో తెలుసా?

తమన్నా పెళ్లి వార్త హల్‌చల్

తమన్నా ప్రస్తుతం తెలుగు, తమిళ, హిందీ రంగాల్లో కొంత బిజీగానే కనిపిస్తున్నప్పటికీ ఆమె గ్రాఫ్ అంతగా జోష్‌లో లేదనే చెప్పాలి. బాహుబలి లాంటి చిత్రాల్లో నటించిన తమన్నాకు అంతగా పేరు రాలేదు. అవకాశాలు రాలేదు. తమిళ క్వీన్ రీమేక్ చేజారింది. తెలుగులో క్వీన్ ముందుకు సాగి సాగనట్టు కనిపిస్తున్నది. తల్లిదండ్రుల కోరిక మేరకు తమన్నా త్వరలో పెళ్లి చేసుకోబోతున్నారనే వార్తలు మీడియాలో చక్కర్లు కొడుతున్నాయి.

అమెరికా వరుడికి ఓకే

ఇప్పటి వరకు అందిన సమాచారం ప్రకారం తమన్నా కోసం చూసిన వరుడు అమెరికాలో డాక్టర్ అని తెలుస్తున్నది. వైద్య వృత్తిలోనే కాకుండా పలు వ్యాపారాల్లో భాగస్వామ్యమై ఉన్నారట. తమన్నా కూడా ఇష్టపడటంతో త్వరలోనే ఈ జంట ఒక్కటయ్యే అవకాశం ఉంది. నిశ్చితార్ధానికి కూడా ముహూర్తాలు చూస్తున్నారని సమాచారం.

పెళ్లి తర్వాత నటిస్తుందా?

సమంత పెళ్లి చేసుకొని కూడా వరుస చిత్రాలతో జోష్ కొనసాగిస్తున్నారు. ఈ తరం తారలకు పెళ్లి కెరీర్ అడ్డంకి కాదనేది పలువురి విషయంలో స్పష్టమైంది. పెళ్లి తర్వాత నటిస్తుందా? లేక అమెరికాలో సెటిల్ అవుతుందా అనేది ఆమె తీసుకొనే నిర్ణయం బట్టి ఉంటుంది.

తమన్నా సినిమాలు ఇవే

క్వీన్ తెలుగు రీమేక్ దట్ ఈజ్ మహాలక్ష్మీ, సవ్యసాచి (గెస్ట్ సాంగ్), ఎఫ్2 - ఫన్ అండ్ ఫ్రస్టేషన్, సైరా నర్సింహారెడ్డి, ఖామోషీ, కునాల్ కోహ్లీ చిత్రాల్లో నటిస్తున్నది. ఇటీవల నటించిన నా నువ్వే చిత్రం బాక్సాఫీస్ వద్ద దారుణమైన పరాజయం మూటగట్టుకొన్నది.