సునీల్ ఆమెను వదిలేటట్లు లేడు

By Srikanya

Published: Monday, January 23, 2012, 8:57 [IST]

హాస్య నటుడు నుంచి హీరోగా ఎదిగిన సునీల్ ఇప్పుడు 'పూలరంగడు'హీరోయిన్ ఇషా ఛావ్లాని వదిలేటట్లు కనపడటం లేదంటున్నారు. ఆమెను తన తదుపరి చిత్రంలో రికమెండ్ చేయటమే కాక,తనకు తెలిసిన ప్రొడక్షన్స్ కంపెనీలకు కూడా సిఫారసు చేస్తున్నాడని వినికిడి. 'పూలరంగడు'సినిమా సమయంలో వీరిద్దరి మధ్యా అనుబంధం బాగా పెరిగిందని దాన్ని దృష్టిలో పెట్టుకునే సునీల్ ఇలా బిహేవ్ చేస్తున్నాడని చెప్తున్నారు. ఇక సునీల్ తన తదుపరి చిత్రంగా తను వెడ్స్ మనూ రీమేక్ చేయనున్నారు. సూపర్‌గుడ్ సంస్థ నిర్మించే ఈ చిత్రంలో 'పూలరంగుడు'లో సునీల్ సరసన నటించిన ఇషాచావ్లానే ఈ సినిమాలో కూడా సునీల్‌తో జతకట్టనున్నారనీ, దేవి ప్రసాద్ ఈ చిత్రానికి దర్శకత్వం వహిస్తారని తెలుస్తోంది.

ఇక సునీల్ గత సంవత్సరం అప్పలరాజు చిత్రంతో ముందుకొచ్చారు. అది వర్కవుట్ కాలేదు. ఆ తర్వాత కూడా వర్మ డైరక్ట్ చేసిన దొంగల ముఠా లో మరోమారు కనిపించారు. అదీ నిలబడలేదు. దాంతో సునీల్ కి గ్యాప్ వచ్చేసింది. రాజమౌళి అశోశియేట్ కోటి తో అనుకున్న నెపోలియన్ చిత్రం కూడా మెటీరియలైజ్ కాలేదు. ఈ నేపధ్యంలో అహనా పెళ్లంట చిత్రంతో హిట్ కొట్టిన వీరభద్రమ్ దర్సకత్వంలో 'పూలరంగుడు'చిత్రం కమిటయ్యాడు. కామిడీతో నడిచే ఈ చిత్రం క్లైమాక్స్ లో తన సిక్స్ పాక్ బాడీని సైతం ప్రదర్శించనున్నాడు. ఈ చిత్రం మళ్లీ తన కెరీర్ ను ముందుకు తీసుకెళ్తుందని భావిస్తున్నాడు.

More from Filmibeat