హోమ్

గాసిప్స్

హైదరాబాద్: బాలకృష్ణ హీరోగా ఇటీవల 'శ్రీమన్నారాయణ' చిత్రం విడుదలైన సంగతి తెలిసిందే. ఈచిత్రంలో బాలయ్యతో తెగ రొమాన్స్ చేసి వార్తల్లోకి ఎక్కింది హీరోయిన్ ఇషా చావ్లా. తాజాగా ఇషా చావ్లాపై ఒక ఆశ్చర్యకరమైన వార్త వినిపిస్తోంది. ఈ హీరోయిన్ త్వరలో బ్రెయిన్ సర్జరీకి రెడీ అవుతోందని ఆ వార్తల సారాంశం.

ఇషా చావ్లా ఒక రేర్ బ్రెయిన్ డిసీజ్‌తో బాధపడుతోందని అంటున్నారు. విదేశాల్లో ఆ డిసీజ్‌కి ట్రీట్‌మెంట్ తీసుకునేందుకు రెడీ అవుతోందని టాక్. దీనిపై నిజా నిజాలు తెలియాల్సి ఉంది. ఇటీవల హీరోయిన్ సమంత అనారోగ్యం పాలైన పలు అవకాశాలను వదులుకున్న సంగతి తెలిసిందే. తాజాగా ఇషా చావ్లా కూడా ఇలా అనారోగ్య సమస్యలతో దూరం అవుతుండటం గమనార్హం.

కాగా...ఇటీవలే ఇషా చావ్లా ట్విట్టర్ నుంచి వైదొలుగుతున్నట్లు ప్రకటించింది. ఈ సర్జరీ కారణంగానే ఆమె ట్విట్టర్‌కు గుడ్ బై చెప్పనున్నారనే అనుమానాలు కూడా వ్యక్తం అవుతున్నాయి. బాలయ్యతో ముద్దు సీన్‌పై కామెంట్లు తట్టుకోలేకే ఇషా ట్విట్టర్‌ అకౌంట్ క్లోజ్ చేసిందనే వార్తలు కూడా ఆ మధ్య వినిపించాయి.

ప్రస్తుతం ఇసా చావ్లా సునీల్ సరసన నటిస్తోంది. సునీల్‌, ఇషాచావ్లా కాంబినేషన్‌లో పూలరంగడు తర్వాత మళ్ళీ మరో చిత్రం ప్రారంభమైన సంగతి తెలిసిందే. బాలీవుడ్ మూవీ 'తను వెడ్స్ మను' చిత్రానికి రీమేక్‌గా రూపొందుతున్న ఈచిత్రాన్ని మెగా సూపర్‌గుడ్‌ ఫిలింస్‌ ప్రైవేట్‌ లిమిటెడ్‌ బేనర్‌పై ఎన్‌.వి. ప్రసాద్‌, పరాస్‌జైలు నిర్మిస్తున్నారు. దేవీప్రసాద్‌ దర్శకత్వం వహిస్తున్నారు.