తెరవెనుక ముమైత్ వ్యాపారం

By Staff

Published: Thursday, February 5, 2009, 18:12 [IST]

ఐటం గర్ల్ గా ఒకవెలుగు వెలిగి,ఆ మద్య హీరోయిన్ గా కూడా నటించిన ముమైత్ ఖాన్ తెరమీదే కాకుండా తెరవెనక కూడా తన ప్రతిభ చూపాలనుకుంటోందని సమాచారం. అందుకోసం ఆమె నిర్మాతగా అవతారం ఎత్తనుంది. తనకు నచ్చిన కథలను,తనకు నచ్చిన రీతిలో తెరకెక్కించాలంటే ఆ సాహసం చేయాల్సిందేనని చెప్తోంది. అందులోనూ ఆమె నటించిన చిత్రాలు భాక్సాఫీస్ వద్ద ఫెయిలవటం జరిగింది. మరో ప్రక్క కోదండరామిరెడ్డి కాంబినేషన్ లో చేసిన పున్నమినాగు మార్కెట్ కావటం లేదని చెప్పుకుంటున్నారు.

అలాగే హాలీవుడ్ హిట్ బేసిక్ ఇనెస్టెంట్ ఆధారంగా రూపొందిన టార్గెట్ చిత్రం విడుదల వరసగా వాయిదా పడుతోంది. ఇవన్నీ ఆమెను బాగా నిరాశపరుస్తున్నాయి. అందులోనూ ఎవరూ ఆమె రేటు చూసి భయపడి ఐటం గర్ల్ గా అడగటం లేదు.దాంతో ఆమెను రెగ్యులర్ గా ఎంకరేజ్ చేసే దర్శకుడు పూరీ జగన్నాధ్ ఇటువంటి సమయంలో మనల్ని మనం ప్రూవ్ చేసుకోవాలంటే సొంత పెట్టుబడితో రంగంలోకి దిగాల్సిందేనని సలహా ఇచ్చాడుట. అందుకే ఆమె ఆ మధ్య పూరీ ప్రారంభిస్తానన్న మూడు కోతులు సినిమాకు సైలెంట్ పార్టనర్ గా పెట్టుబడి పెడతానని హామీ ఇచ్చిందని సమాచారం. ఏదైమైనా ముమైత్ వ్యాపారం చల్లగా సాగి మంచి లాభాలు ఆర్జించి పెట్టాలని కోరుకుందాం.

More from Filmibeat