నిర్మాత కోసం జయసుధ గాలింపు?

By Staff

Published: Tuesday, March 10, 2026, 21:40 [IST]

సహజనటిగా పేరొందిన జయసుధ ఇప్పుడు నిర్మాతను వెతకటం,ఎదురూచూడటం అనేది విచిత్రంగానే అనిపించవచ్చు. ఒకప్పుడు హీరోయిన్ గా ఒక వెలుగు వెల్గిన ఆమె గత దశాబ్ద కాలం పైగా తల్లి,అక్క,అత్త పాత్రల్లో సెటలియ్యారు. ఇప్పుడు అందరిలాగే ఆమె తన కుమారుడు నిహార్ కపూర్ ని లాంచింగ్ చేయాలని ఆశిస్తున్నారు. అయితే చిన్నా చితకా నిర్మాతలకు ఆమెకు లోటు లేదు. సినిమాను గ్రాండ్ గా తీసి భారీ ప్రమోషన్ తో మినిమం గ్యారెంటీ ఇచ్చేవారు కోసం గాలిస్తున్నారని తెలుస్తోంది.

దానికోసం ఆమె తన పరిచయాలని అన్నిటినీ వినియోగించుకోనున్నట్లు సమాచారం. అసలు ఆమె లగడపాటి శ్రీధర్ బ్యానర్ ద్వారా తన కుమారుడుని లాంచింగ్ చేధ్దామనుకుంది. వర్షం,నువ్వు వస్తానంటే నే వద్దంటానా,మనసంతా నువ్వే వంటి హిట్ సినిమాలకు కథ లందించిన వీరు పోట్ల దర్శకత్వంలో కూల్ గా జరుగుతుందని ఆమె భావించింది. అయితే అనుకోని విధంగా ఆ ప్రాజెక్టు ఆగటంతో ఆమె మళ్ళీ మొదటనుంచీ ప్రయత్నాలు ప్రారంభించిందని త్వరలోనే ఫైనల్ కానుందని తెలుస్తోంది. అంటే త్వరలో మరో యంగ్ హీరో తెలుగు తెరను పలకరించనున్నాడన్నమాట.

More from Filmibeat