Kalki 2898 AD: మెంటల్ ఎక్కిస్తున్న ప్రభాస్ కల్కి క్యాస్టింగ్.. ఇప్పుడు తారక్, నాని కూడా ఎంటర్!

పాన్​ ఇండియా స్టార్​ ప్రభాస్ హీరోగా డైరెక్టర్​ నాగ్​ అశ్విన్ దర్శకత్వంలో రూపొందుతున్న భారీ సైన్స్ ఫిక్షన్ ఫిల్మ్ 'కల్కి 2898' ఏడి. పాన్ వరల్డ్ స్థాయిలో మే 9న రిలీజ్​ కాబోతున్న సంగతి తెలిసిందే. అయితే ఈ చిత్రంలో ఇప్పటికే స్పెషల్​ క్యామియో రోల్స్​లో దుల్కర్ సల్మాన్, విజయ్ దేవరకొండలు ఉంటారని వార్తలు చక్కర్లు కొడుతున్న సంగితి తెలిసిందే. అయితే ఇప్పుడు తాజాగా తెలిసిన ట్విస్టు ఏంటంటే అతిథి పాత్రల లిస్ట్​ మరింత పెద్దగా ఉందట. క్లైమాక్స్​కు ముందు వచ్చే కీలక ఘట్టంలో హీరోలు నాని, ఎన్టీఆర్​ కనిపిస్తారని అంటున్నారు. వివరాల్లోకి వెళితే...

ప్రస్తుతం టాలీవుడ్​లో పాన్​ ఇండియా సినిమాల పోస్ట్​ పోన్​ రూమర్స్​ బాగా చక్కర్లు కొడుతున్న సంగతి తెలిసిందే. ఇదే సమయంలో ప్రభాస్ కల్కి కూడా ఇదే దారి పడుతుందేమో అన్న అనుమానాలు బలంగానే వినిపిస్తున్నాయి. అయితే వైజయంతి మూవీస్​ టీమ్ మాత్రం అలాంటిదేమి లేదని చెప్పుకుంటూ వస్తోంది. కచ్చితంగా చెప్పిన తేదీకే వస్తామని హామీ ఇస్తోంది. కాబట్టి మరో మూడున్నార నెలల్లో సిల్వర్​ స్క్రీన్​పై అతి పెద్ద విజువల్ ట్రీట్​ రానుంది.

భూత భవిష్యత్ కాలాల నేపథ్యంతో ఈ సినిమా సాగనుంది. ఇప్పటికే ఈ మూవీ నుంచి రిలీజైన ఫస్ట్ గ్లింప్స్ కూడా బాగానే ఆకట్టుకుంది. త్వరలోనే ఈ చిత్రం నుంచి టీజర్​ను కూడా విడుదల చేసేలా మూవీటీమ్​ ప్లానింగ్ చేస్తోంది. అయితే ఈ చిత్రంలో ఇప్పటికే ప్రభాస్​తో పాటు భారీ తారగాణం నటిస్తున్న సంగతి తెలిసిందే. బాలీవుడ్ స్టార్స్​ దీపిక పదుకొనె, బిగ్​ బీ అమితాబ్ బచ్చన్, దిశాపటానీ నటిస్తున్నారు. ఇక యూనివర్సల్ స్టార్​ కమల్ హాసన్ విలన్ పాత్ర పోషిస్తున్నారు. సంతోష్ నారాయణన్ సంగీతం సమకూరుస్తున్నారు.

అయితే ఈ బిగ్ స్టార్స్​తో పాటే ప్రత్యేక క్యామియోల్లో దుల్కర్ సల్మాన్, విజయ్ దేవరకొండలు కూడా ఉంటారని ఈ మధ్యలో టాక్ గట్టిగా వినిపించింది. దాదాపుగా ఈ ఇద్దరు కనిపించడం నిజమని సినీ వర్గాలు అంటున్నాయి. ఈ క్రమంలోనే ఇప్పుడు తాజాగా తెలిసిన మైండ్ బ్లోయింగ్ ట్విస్ట్ ఏంటంటే ఈ​ అతిథి పాత్రల లిస్ట్​ మరింత పెరగనుందట.

క్లైమాక్స్​కు ముందు వచ్చే కీలక సీన్స్​లో నేచురల్ స్టార్ నానితో పాటు యంగ్ టైగర్​ జూనియర్ ఎన్టీఆర్ కూడా స్పెషల్ రోల్స్​లో కనిపించబోతున్నారు అని తెలిసింది. కృపాచార్యగా నాని, పరశురాముడిగా కొన్ని నిముషాల పాటు సిల్వర్​ స్క్రీన్​ను షేక్ చేసే క్యారెక్టర్​లో జూనియర్ ఎన్టీఆర్ కనిపించనున్నారట. అయితే ఇందులో నిజమెంతో తెలీదు కానీ ప్రస్తుతం ఈ వార్త తెగ చక్కర్లు కొడుతోంది. చూస్తుంటే నాగ అశ్విన్ అంచనాలకు మించి ఏదో పెద్ద ప్లానే చేయబోతున్నారని అర్థమవుతోంది. చూడాలి మరి ఏం జరుగుతుందో.

ఇక ఈ సినిమా విషయానికి వస్తే... అశ్వినీదత్ నిర్మిస్తున్న ఈ పాన్ వరల్డ్ సినిమా ఈ ఏడాది రిలీజ్ కానుంది. వైజయంతి నిర్మాణ సంస్థకు కలిసి వచ్చి మే9న ఈ సినిమా తెలుగు, తమిళ్, కన్నడ, మలయాళ, హిందీ భాషలతో పాటు.. పలు విదేశీ భాషల్లో రిలీజ్ కానుంది.