Don't Miss!
- News క్యూ నిల్చొని ఓటు వేసిన సూపర్ స్టార్
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
జూ ఎన్టీఆర్ పొగరు బయట పడబోతోంది!
హైదరాబాద్: నిజాయితీ, ముక్కుసూటి తనంతో ఉండే వారి ప్రవర్తన కొందరికి పొగరుగానే కనిపిస్తుంది. టాలీవుడ్ యంగ్ టైగర్ జూ ఎన్టీఆర్ కూడా రియల్ లైఫ్లో ఇలాగే ఉంటారు అనేది ఆయన గురించి బాగా తెలిసిన వారు అనే మాట. తాజాగా జూ ఎన్టీఆర్తో సినిమా చేయబోతున్న దర్శకుడు పూరి జగన్నాథ్ అతన్ని వెండి తెరపై పొగరుబోతుగా చూపించబోతున్నారట. సో...ఈ సినిమాలో జూ ఎన్టీఆర్ను రియల్ లైఫ్ క్యారెక్టర్లో చూడబోతున్నామన్నమాట!
ఈ చిత్రంలో జూ ఎన్టీఆర్ రఫ్ అండ్ టఫ్ పోలీసు పాత్రలో కనిపించబోతున్నారు. ఈ చిత్రంలో జూ ఎన్టీఆర్ సరసన కాజల్ను హీరోయిన్గా తీసుకుంటున్నారు. ఈ చిత్రానికి 'రుబాబు', 'టెంపర్' అనే టైటిల్స్ పరిశీలిస్తున్నారు. ఎప్పుడూ సొంత స్క్రిప్టులతోనే సినిమాలు చేసే పూరి జగన్నాథ్ ఈ సారి వక్కతం వంశీ అందించిన స్టోరీతో సినిమా తీస్తుండటం విశేషం.
గతంలో పూరి జగన్నాథ్ దర్శకత్వంలో 'పోకిరి' అనే సినిమా వచ్చిన సంగతి తెలిసిందే. తాజాగా జూ ఎన్టీఆర్తో చేసే సినిమా కూడా అదే రేంజిలో ఉంటుందని అంటన్నారు. ఈ చిత్రాన్ని బండ్ల గణేష్ నిర్మించనున్నారు. గతంలో జూ ఎన్టీఆర్ 'బాద్ షా' చిత్రాన్ని నిర్మించి హిట్ కొట్టిన గణేష్ ఇప్పుడు మరోసారి ఎన్టీఆర్తో చేసే ఛాన్స్ రావడంపై ఆనందంగా ఉన్నాడు.
ప్రస్తుతం జూ ఎన్టీఆర్ 'రభస' చిత్రంలో నటిస్తున్న సంగతి తెలిసిందే. ఈ చిత్రం షూటింగ్ చివరి దశకు చేరుకుంది. సినిమా పూర్తయిన వెంటనే పూరి జగన్నాథ్ తన సినిమాను ప్రారంభించడానికి ప్లాన్ చేసుకుంటున్నాడు ఎన్టీఆర్. పక్కా ప్లానింగుతో సినిమా తీసే పూరి జగన్నాథ్ వీలైనంత త్వరగా సినిమాను ప్రేక్షకుల ముందుకు తెచ్చేందుకు ప్లాన్ చేస్తున్నాడట. పదేళ్ల క్రితం పూరి జగన్నాథ్-జూ ఎన్టీఆర్ కాంబినేషన్లో 'ఆంధ్రావాలా'చిత్రం వచ్చింది. అయితే ఆ సినిమా పెద్దగా ఆడలేదు. చాలా కాలం తర్వాత ఇద్దరి కాంబినేషన్లో సినిమా వస్తుండటంతో ఎన్టీఆర్ అభిమానుల్లో ఆసక్తి నెలకొంది.