పోలీసు ఆఫీసర్ గా ఎన్టీఆర్ ?

By Staff

Published: Saturday, March 14, 2026, 23:29 [IST]

నటనాపరంగా నందమూరి వంశం మూడో తరంలోనూ ప్రజలని రక్షించే పోలీసు పాత్రను ధరించనున్నారు. గతంలో ఎన్టీఆర్ 'కొండవీటి సింహం' లోనూ, బాలకృష్ణ 'రౌడీ ఇన్స్ పెక్టర్' సినిమాలోనూ, హరికృష్ణ 'సీతయ్య' సినిమాలోనూ, కళ్యాణ రామ్ 'హరే రామ్' లోనూ పోలీసు పాత్రలలో జీవించారు. ఇక ఇప్పుడు ఎన్టీఆర్ ఆ గెటప్ లో కనువిందు చెయ్యనున్నాడని గుసగుసలు వినపడనున్నాయి. వి.వి.వినాయక్ దర్శకత్వంలో రూపొందనున్న సినిమాలో ఈ పోలీసు పాత్రను పోషిస్తారంటున్నారు.

మరో ప్రక్క 'పులి' లో పవన్ కళ్యాణ్, 'సెల్యూట్' లో విశాల్ ,రాజశేఖర్ 'సత్యమేవ జయతే', 'బ్లేడు బాబ్జి' లో నరేష్, 'ఏక్ పోలీస్' లో నాగబాబు పోలీసు పాత్రలలో కనిపించనున్నారు. దాంతో తెలుగులో పోలీసు సీజన్ ప్రారంభమైందనిపిస్తోంది. ఎందుకంటే చిన్నా,పెద్దా హీరోలంతా ఈ తరహా పాత్రలకు రెడీ అంటున్నారని పరిశ్రమలో చెప్పుకుంటున్నారు. యేదైమైనా నందమూరి వంశానికి అచ్చొచ్చిన పోలీసు పాత్ర ను ఎన్టీఆర్ పోషించబోవటం అభిమానులకు ఆనందం కలగచేస్తోంది.

More from Filmibeat