'ట్రాఫిక్ సిగ్నల్' ఫ్రీమేక్?

By Staff

Published: Thursday, March 12, 2026, 9:53 [IST]

మధూర్ బండార్కర్ దర్శకత్వంలో వచ్చిన 'ట్రాఫిక్ సిగ్నల్'(2007) సినిమా బాలీవుడ్ సినీ చరిత్రలో ఓ కొత్త ఒరవడికి నాంది పలికింది. నేషనల్ అవార్డును సొంతం చేసుకున్న ఈ చిత్రం ముంబయిలో ఓ ట్రాఫిక్ సిగ్నల్ చుట్టూ నడిచే ఈ కథ స్క్రీన్ ప్లే ప్రధానంగా సాగుతుంది. ఈ సినిమా ఆ ట్రాఫిక్ సిగ్నల్ ను నమ్ముకుని ఎంతో మంది జీవించటం సవివరంగా చూపుతూ మనకు తెలియని (గమనించని) కొత్త ప్రపంచాన్ని ఆవిష్కరిస్తూ ఆశ్చర్యపరుస్తుంది. కొంకణా సేన్ శర్మ,రణబీర్ షోరే ,నీతూ చంధ్ర ప్రధాన పాత్రలుగా వచ్చిన ఈ చిత్రంలో ముఖ్యంగా బిక్షగాళ్ళ మాఫియా మనని షాక్ కి గురిచేస్తుంది.

ఇక అసలు విషయంలోకి వస్తే ఈ సినిమా ఇప్పుడు మన తెలుగులోకి ఫ్రీమేక్ (రైట్స్ కొనకండా కాపీ) చేస్తున్నారని చెప్పుకుంటున్నారు .'జంక్షన్' పేరుతో తయారవుతున్న ఈ చిత్రంలో ప్రముఖ సినీ రచయిత పరుచూరి వెంకటేశ్వరరావు గారబ్బాయి రవిబాబు హీరోగా నటిస్తూండటం విశేషం. అసాధ్యుడు ఫేమ్ అనీల్ కృష్ణ దర్శకత్వం వహిస్తున్న ఈ చిత్రాన్ని లియో ఎంటర్ టైన్ మెంట్ పతాకంపై బి.రామకృష్ణ నిర్మిస్తున్నారు. పరచూరి,నైనా లీడ్ రోల్స్ లో నటిస్తున్నారు. జాన్ సొలొమెన్ సంగీతన్ని అందిస్తున్నాడు.రవిబాబు గతంలో ప్రేమఖైది,రౌడీ ఇన్స్ పెక్టర్ చిత్రాల్లో బాలనటుడుగా చేసారు.

More from Filmibeat