Devara : జూ.ఎన్టీఆర్ ఫ్యాన్స్‌కు కొత్త టెన్షన్... ఆ 3 సెంటిమెంట్స్​ను బ్రేక్ చేస్తేనే దేవర సక్సెస్​?

RRR తర్వాత ఎన్టీఆర్ హీరోగా నటిస్తున్న చిత్రం దేవర. కొరటాల దర్శకత్వంలో భారీ బడ్జెట్ చిత్రంగా రెండు భాగాలుగా తెరకెక్కుతోంది. ఈ మోస్ట్ అవైటెడ్​ చిత్రం కోసం నందమూరి ఫ్యాన్స్​తో పాటు ఇండియా వైడ్ మూవీ లవర్స్​ ఆసక్తిగా ఎదరుచూస్తున్నారు. అయితే ముందుగా జరిగిన ప్రచారం ప్రకారమే ఈ సినిమా ఏప్రిల్ 5 నుంచి దసరా సీజన్​కు పోస్ట్ పోన్ అయింది. అయితే ఇప్పుడీ కొత్త రిలీజ్ డేట్ మూడు సవాళ్లను సినిమా ముందు నిలిచాయి. దీంతో అభిమానులంతా తెగ టెన్షన్ పడిపోతున్నారు. మరి ఆ సవాళ్లను అధిగమించి సెంటిమెంట్​ను తారక్​ బ్రేక్​ చేస్తారా? అని అందరూ తెగ ఆలోచిస్తున్నారు. ఇంతకీ ఆ ఛాలెంజెస్, సెంటిమెంట్స్​ ఏంటి? అన్నది ఈ స్టోరీ చదివి తెలుసుకుందాం..

ఫుల్ మాస్ యాక్షన్​గా ఎన్టీఆర్ నటించనున్న దేవర సినిమా తెరకెక్కుతోంది. రెండు భాగాలుగా తెరకెక్కిస్తున్నారు దర్శకుడు కొరటాల శివ. సీ బ్యాక్​డ్రాప్​తో రాబోతుంది. ఆర్​ఆర్​ఆర్ తర్వాత ఎన్టీఆర్ నటించనున్న సినిమా కావడంతో భారీ అంచనాలు ఉన్నాయి. షూటింగ్ శరవేగంగా సాగుతోంది. కాకపోతే చిత్రంలో విలన్​గా నటిస్తున్న బాలీవుడ్ స్టార్ సైఫ్​ అలీ ఖాన్​ ఈ మధ్య గాయపడ్డారు. మరి ఆయనకు సంబంధించిన షూట్​ డిలే కావొచ్చు. అలాగే సంగీత దర్శకుడు అనిరూధ్​ కూడా ఇంకా తన పనిని పూర్తి స్థాయిలో మొదలుపెట్టలేదని తెలుస్తోంది. మరో నాలుగు పాటల చిత్రీకరణ మిగిలి ఉందట.

హాలీవుడ్‌ స్టంట్‌ కొరియోగ్రాఫర్‌ కెన్నీ బేట్స్‌ తీర్చిదిద్దిన ఫైట్ సీక్వెన్స్​ సినిమాకే హైలైట్‌ అంటున్నారు. అండర్‌ వాటర్‌ సీక్వెన్స్‌ ప్రత్యేకంగా నిలవనుందని చెబుతున్నారు. ఈ చిత్రంతోనే అలనాటి అందాల తార శ్రీదేవి తనయురాలు జాన్వీ కపూర్ టాలీవుడ్​ అరంగేట్రం చేస్తోంది. ఇప్పటికే రిలీజైన ఆమె పల్లెటూరి లుక్​ కూడా బానే ఆకట్టుకుంది. టాలీవుడ్ సీనియర్ నటుడు శ్రీకాంత్, మలయాళ స్టార్​ షైన్ టామ్ చాకో ఇతర కీలక పాత్రల్లో నటిస్తున్నారు.

అయితే ఈ చిత్రం ముందు ఇప్పుడు మూడు సవాళ్లు నిలిచాయి. అదేంటంటే మొదటి రాజమౌళి సెంటిమెంట్​. సాధారణంగా రాజమౌళి ఓ హీరోతో సినిమా చేస్తే అది భారీ హిట్ అవుతుంది. కాకపోతే ఆ సినిమా తర్వాత సదరు హీరో చేయబోయే సినిమా ఫ్లాప్​గా నిలుస్తుందనే దానికి చాలా ఉదాహరణలే ఉన్నాయి. ఆర్​ఆర్​ఆర్​ తర్వాత రామ్​చరణ్​ ఆచార్యతో భారీ డిజాస్టర్​ను అందుకున్నారు. అంతకుముందు నితిన్, ప్రభాస్, రవితేజ, ఎన్టీఆర్​ అందరూ ఈ బాధితులే. మరి ఇప్పుడు ఎన్టీఆర్ దేవరతో ఆ సెంటిమెంట్​ను బ్రేక్​ చేస్తారా లేదా అనేది చూడాలి.

ఇకపోతే ఎన్టీఆర్​ తండ్రి కొడుకులుగా చేసిన ద్విపాత్రాభినయం సినిమాలు ఫ్లాప్​లుగా నిలిచాయి. అంధ్రావాలా, శక్తి భారీ అంచనాలతో వచ్చి బాక్సాఫీస్ వద్ద బోల్తా కొట్టాయి. ఇప్పుడు దేవరలోనూ తారక్ తండ్రి పాత్రల్లో డ్యుయెల్ రోల్ చేస్తున్నట్లు జోరుగా ప్రచారం సాగుతోంది. ఇంకా తారక్​కు దసరా సీజన్ అసలు కలిసి రాదనే చెప్పాలి. ఆయన నటించిన పలు చిత్రాలు దసరా బరిలో దిగి బోల్తా కొట్టాయి.

రామయ్య వస్తావయ్యా, ఊసరవెళ్లి సహా పలు చిత్రాలు ఓపెనింగ్స్​ భారీగానే ఉన్నా లాభాలను అందుకోలేకపోయాయని ట్రేడ్ వర్గాలు అంటున్నాయి. అక్టోబర్ నెలలో వచ్చిన బృందావనం మాత్రం బాగానే హిట్ అయింది. ఫైనల్​గా చూడాలి మరి ఈ మూడు సెంటిమెంట్స్​ను తారక్ బ్రేక్ చేస్తారో లేదో..