హోమ్

గాసిప్స్

నువ్వే కావాలి, నువ్వు నాకు నచ్చావ్, మన్మధుడు, మల్లేశ్వరి వంటి హిట్ చిత్రాలను అందించిన కె.విజయ్ బాస్కర్ ఆ తర్వాత భలే దొంగలు వంటి ప్లాప్ చిత్రాన్ని సైతం అందించారు. ఇప్పుడు తాజాగా ప్రేమే కావాలి అనే చిత్రంతో మళ్ళీ లైమ్ లైట్ లోకి రావటానికి ప్రయత్నం చేస్తున్నారు. సాయకుమార్ కుమారుడు ఆదిని ఈ చిత్రం ద్వారా హీరోగా పరిచయం చేస్తున్నారు. అలాగే ఇషా ఛావ్లా అనే బాలీవుడ్ భామ సైతం ఈ చిత్రంతో తెరంగ్రేటం చేస్తోంది. ఇక విజయ్ భాస్కర్ ఈ చిత్రానికి తెలుగు పరిశ్రమలో ఎక్కువ రెమ్యునేషన్ తీసుకునే ఛోటా కె. నాయుడుని కెమెరామెన్ గా తీసుకున్నారు. అనూప్ రూబెన్స్ ఈ చిత్రానికి సంగీతం అందిస్తున్నారు. అచ్చిరెడ్డి ఈ చిత్రాన్ని నిర్మిస్తున్నారు. ఈ చిత్రంతోనైనా విజయ్ భాస్కర్ విజయం సాధించి మళ్ళీ కంటిన్యూ అవుతాడని ఆశిద్దాం.