17 ఏళ్ల పాపగా కాజల్.. టీనేజ్ అమ్మాయిగా అదరగొట్టేందుకు రెడీ!

కాజల్ అగర్వాల్.. తెలుగుతో పాటు ఇతర సౌత్ ఇండియన్ భాషల్లో బాగా సుపరిచితమైన హీరోయిన్. సౌత్ ఇండియన్ తెరపై స్టార్ హీరోయిన్‌గా కొనసాగుతున్న ఈ ముద్దుగుమ్మ దాదాపు అందరు అగ్ర హీరోల సరసన నటించింది. తన పాత్ర ఎలాంటిదైనా దానికి పూర్తిగా న్యాయం చేయడంలో కాజల్ సఫలమవుతుందని చెప్పుకోవచ్చు. అందుకే దశాబ్ద కాలంగా ఈ హీరోయిన్ హవా నడుస్తూనే ఉంది.

లేటెస్ట్ సమాచారం ప్రకారం కాజల్ అగర్వాల్ హిందీలో 'ముంబై సాగా' అనే చిత్రాన్ని చేయడానికి అంగీకరించిందని తెలుస్తోంది. జాన్ అబ్రహాం, ఇమ్రాన్ హష్మి హీరోలుగా నటించే ఈ చిత్రంలో కాజల్ మూడు రకాల పాత్రల్లో కనిపిస్తుందట. వాటిలో ఒక పాత్ర 17 ఏళ్ల అమ్మాయి పాత్ర కావడం స్పెషల్ అని తెలుస్తోంది. టీనేజ్ అమ్మాయిగా కాజల్ క్యారెక్టర్ అదరగొట్టేస్తుందని విశ్వసనీయ వర్గాల సమాచారం.

కాజల్.. ఇటీవలే జయం రవి సరసన 'కోమాలి', శర్వానంద్ సరసన 'రణరంగం' సినిమాల్లో నటించింది. ఈ రెండు సినిమాలు ఒకే రోజు ఆగస్టు 15న విడుదలై మిశ్రమ స్పందన తెచ్చుకున్నాయి. అయినప్పటికీ ఏ మాత్రం వెనుకడుగేయకుండా కొత్త సినిమాలకు కమిట్ అవుతూనే ఉంది కాజల్ అగర్వాల్.