Click it and Unblock the Notifications
Kalki 2: నాగ్ అశ్విన్ మాస్టర్ ప్లాన్.. ఆ 20 నిమిషాలు మాత్రం గూస్బంప్స్..
Kalki 2: పాన్ ఇండియా సినిమాగా సంచలనం సృష్టించిన మూవీ కల్కి 2898 AD. ఈ మూవీకి సీక్వెల్ గా వస్తున్న కల్కి2 పై అందరి చూపు నిలిచింది. పాన్ ఇండియ స్టార్ ప్రభాస్, క్రియేటీవ్ డైరెక్టర్ నాగ్ అశ్విన్ కాంబోలో తెరకెక్కుతున్న 'కల్కి 2'పై ఇండస్ట్రీలో భారీ అంచనాలు నెలకొన్నాయి. కల్కి పార్ట్ 1 భాగంలో ఇచ్చిన క్లైమాక్స్ లీడ్స్, ముఖ్యంగా మహాభారతానికి సంబంధించిన సన్నివేశాలు ప్రేక్షకుల్లో ఆసక్తిని పెంచగా... ఇప్పుడు ఆ అంశాలను మరింత విస్తరించేందుకు నాగ్ అశ్విన్ భారీ ప్లాన్ సమాచారం.
ఈ సీక్వెల్లో ప్రధాన హైలైట్గా మహాభారతం ఎపిసోడ్. ఈ ఎపిసోడ్ సుమారు 20 నిమిషాల పాటు సాగనున్నదట. ఇందులో అశ్వత్థామ శాపం, కర్ణుడి వీరత్వం, శ్రీకృష్ణుడి వ్యూహాలు వంటి అంశాలను అత్యంత గ్రాండియర్గా చూపించబోతున్నారట. పురాణ గాథలను సైన్స్ ఫిక్షన్తో మేళవిస్తూ, ఈ ఎపిసోడ్ను కొత్త స్థాయిలో తెరకెక్కిస్తున్నారని టాక్.
థియేటర్లలో ఈ సీక్వెన్స్ ప్రేక్షకులకు మునుపెన్నడూ లేని విజువల్ ఎక్స్పీరియన్స్ ఇవ్వనుందనే అంచనాలు ఉన్నాయి. ఈ సినిమాలో ప్రభాస్ నటిస్తున్న భైరవ పాత్ర మరింత కీలకంగా మారనుంది. మొదటి భాగం చివరలో కర్ణుడితో ఉన్న లింక్ రివీల్ కావడంతో, రెండో భాగంలో ఆయన పూర్తి స్థాయి విశ్వరూపం చూపించబోతున్నారని సమాచారం.
యాక్షన్ ఎపిసోడ్స్తో పాటు భావోద్వేగ సన్నివేశాలు కూడా ఈసారి ఎక్కువ ప్రాధాన్యతను పొందుతున్నాయి. ఇక ఈ ప్రాజెక్ట్లో అమితాబ్ బచ్చన్ అశ్వత్థామగా, కమల్ హాసన్ సుప్రీమ్ యాస్కిన్ పాత్రలో మరింత పవర్ ఫుల్గా కనిపించనున్నారు. వీరిద్దరి మధ్య వచ్చే సన్నివేశాలు సినిమాకు హైలైట్గా నిలుస్తాయని సినీ వర్గాలు చెబుతున్నాయి. ముఖ్యంగా అశ్వత్థామ - యాస్కిన్ మధ్య జరిగే భావోద్వేగ, తాత్విక ఘర్షణ కథను మరో లెవల్కు తీసుకెళ్తుందని అంచనా.
ప్రస్తుతం షూటింగ్ శరవేగంగా కొనసాగుతుండగా, త్వరలోనే ప్రభాస్లో జాయిన్ కా సెట్స్పై సమాచారం అందుతుంది. వైజయంతీ మూవీస్ భారీ బడ్జెట్తో ఈ విధంగా నిర్మిస్తుండగా, హాలీడ్ స్థాయి VFX, సెట్ డిజైన్పై ప్రత్యేక దృష్టి పెట్టారు. సంగీత దర్శకుడు సంతోష్ నారాయణన్ బ్యాక్గ్రౌండ్ స్కోర్ ఈసారి మరింత గంభీరంగా ఉండబోతోందని తెలుస్తోంది.
ఇక ఈ సీక్వెల్కు 'కర్ణ 3102 బీసీ' అనే టైటిల్ను పరిశీలిస్తున్నారన్న వార్తలు వినిపిస్తున్నాయి. కథ ప్రధానంగా మహాభారత కాలంతో ముడిపడి ఉండటంతో, కురుక్షేత్ర యుద్ధం, అశ్వత్థామ శాపం, కర్ణుడి పాత్ర వంటి అంశాలను ప్రస్తుత కాలంతో కలిపి చూపించ బోతున్నారని సమాచారం.
మరోవైపు, ఈ చిత్రంలో ప్రతినాయకుడిగా కమల్ హాసన్ పాత్ర మరింత విస్తరించనుండగా, ఆయనకు తోడుగా మరో బాలీవుడ్ నటుడు నెగిటివ్ రోల్లో కనిపించబోతున్నట్లు టాక్. ఈ కొత్త విలన్ క్యారెక్టర్ ప్రభాస్ పాత్రకు గట్టి సవాల్ విసరనుందని అంటున్నారు. అలాగే ఈ షెడ్యూల్లో దుల్కర్ సల్మాన్, జేడీ చక్రవర్తి వంటి నటులు కూడా భాగమవుతున్నట్లు సమాచారం.
ఇలా 'కల్కి 2' కేవలం సీక్వెల్ మాత్రమే కాదు.. ఇండియన్ సినిమా స్థాయిని ప్రపంచానికి చూపించే మరో విజువల్ స్పెక్టకిల్గా మారబోతోంది. ముఖ్యంగా ఆ 20 నిమిషాల మహాభారత ఎపిసోడ్ సినిమా మొత్తానికి హార్ట్గా నిలిచిపోయింది, ప్రేక్షకులకు గూస్బంప్స్ ఇవ్వడం ఖాయం అని ట్రేడ్ వర్గాలు విశ్వసిస్తున్నాయి. ఇప్పుడు ఈ భారీ ప్రాజెక్ట్ అధికారిక రిలీజ్ డేట్ కోసం ఫ్యాన్స్ ఆసక్తిగా ఎదురుచూస్తున్నారు.
Continue with Google