జూ.ఎన్టీఆర్‌తో కలసి, కళ్యాణ్ రామ్ అలా అనుకున్నాడా.. కోరిక తీరకముందే హరికృష్ణ మృతి!

సినిమాలకు గ్యాప్

హరికృష్ణ చివరగా 2005 లో శ్రావణ మాసం చిత్రంలో నటించారు. ఆ తరువాత వెండి తెర నుంచి ఆయన విరామం తీసుకున్నారు. అటు రాజకీయాల్లోనూ క్రియాశీలకంగా లేరు. కుటుంబం కోసం సమయం వెచ్చిస్తూ, స్నేహితులతో సన్నిహితంగా ఉండేవారు.

కళ్యాణ్ రామ్

కళ్యాణ్ రామ్ హీరోగానే కాక పలు చిత్రాలకు నిర్మాతగా కూడా వ్యవహరించారు. గత ఏడాది కళ్యాణ్ రామ్ తన సోదరుడు ఎన్టీఆర్ హీరోగా నిర్మించిన జైలవకుశ చిత్రం మంచి విజయం సాధించింది. తాను కూడా హీరోగా నటిస్తూ బిజీగా ఉన్నాడు. అయినప్పటికీ తమ్ముడితో సినిమా నిర్మించి మంచి విజయాన్ని అందుకున్నాడు.

ఎప్పటి నుంచో

సోదరుడు ఎన్టీఆర్, తండ్రి హరికృష్ణ, తాను కలసి ఓ చిత్రంలో నటించాలని కళ్యాణ్ రామ్ కు కోరికగా ఉండేదట. జైలవకుశ చిత్రం విజయం సాధించిన తరువాత తాను, తమ్ముడు, నాన్న హరికృష్ణ కలసి నటించేలా మంచి కథతో రావాలని కొందరు రచయితలకు సూచనలు చేసినట్లుగా కూడా వార్తలు వస్తున్నాయి.

కలగానే

కానీ హరికృష్ణ అకాల మరణంతో ఆ కోరిక కలగానే మిగిలిపోయింది. హరికృష్ణ సినిమా రాజకీయ రంగాల్లో తండ్రికి తగ్గ తనయుడు అని ప్రముఖులంతా ప్రశంసిస్తున్నారు.

ఆడియో వేడుకలలో

ఈ మధ్య కాలంలో హరికృష్ణ తన తనయులు నటించిన చిత్రాల ఆడియో వేడుకలకు హాజరవుతూ వచ్చిన సంగతి తెలిసిందే. ఈ విషయం నందమూరి అభిమానులకు చాలా సంతోషాన్ని కలిగించింది.