రాజమౌళి నుంచి పిలుపు రాలేదు.... చివరకు కీర్తి సురేష్ ఏం చేసిందంటే?

రాజమౌళి పిలుపు కోసం ఎదురు చూసినట్లు వార్తలు

‘మహానటి' సినిమా తర్వాత కీర్తి సురేష్ తెలుగులో ఏ సినిమాకు కమిట్ కాలేదు. కొన్ని రోజుల క్రితం ఆమె ‘ఆర్ఆర్ఆర్' నటించే అవకాశం ఉన్నట్లు వార్తలు వచ్చాయి. ఈ సినిమా కోసం రాజమౌళి నుంచి పిలుపు వస్తుందనే కీర్తి సురేష్ ఎదురు చూసినట్లు ప్రచారం జరిగింది.

రజనీకాంత్ మూవీ వైపే...

‘ఆర్ఆర్ఆర్' సినిమా కోసం తన ఎదురు చూపులు ఫలించక పోవడం, మరో వైపు రజనీకాంత్‌తో చేసే అవకాశం దక్కడంతో కీర్తి సురేష్ ఫైనల్ నిర్ణయానికి వచ్చిందట. సూపర్ స్టార్ సినిమా మిస్సయితే ఇక జీవితంలో అలాంటి ఛాన్స్ రాదని, అందుకే మురుగదాస్ ప్రతి పాదనకు ఓకే చెప్పే అవకాశం ఉన్నట్లు తెలుస్తోంది.

రొమాంటిక్ సాంగ్స్, సీన్లకు దూరంగా రజనీకాంత్

ఈ మధ్య కాలంలో రజనీకాంత్ తన సినిమాల్లో రొమాంటిక్ డ్యూయోట్లు, సీన్లకు దూరంగా ఉంటున్నారు. తన వయసుకు తగిన విధంగా సినిమా ఉండాలనే ఈ నిర్ణయం తీసుకున్నట్లు రజనీ ఆ మధ్య ఓ వేడుకలో స్వయంగా వెల్లడించారు. మరి అలాంటి రజనీకాంత్ సినిమాలో కీర్తి సురేష్ లాంటి యంగ్, హాట్ బ్యూటీ ఎంపిక కావడం చర్చనీయాంశం అయింది.

ఎలాంటి సినిమా ఇది?

మురుగదాస్ తన సినిమాలో రజనీకాంత్‌ను ముఖ్యమంత్రిగా చూపించబోతున్నారనే వార్తలు వినిపించాయి. అయితే అది నిజం కాదని దర్శకుడు వివరణ ఇచ్చారు. త్వరలోనే ఈ చిత్రానికి సంబంధించిన వివరాలు వెల్లడికానున్నాయి.