కెజిఎఫ్ డైరెక్టర్‌తో చర్చలు.. మహేష్ బాబు నుంచి ప్యాన్ ఇండియా మూవీ?

నమ్రతను కలిసిన ప్రశాంత్ నీల్

ఫిల్మ్ నగర్ వర్గాల నుంచి అందుతున్న సమాచారం ప్రకారం ‘కెజిఎఫ్' దర్శకుడు ప్రశాంత్ నీల్ ఇటీవల మహేష్ బాబు భార్య నమ్రతను కలిసి తన వద్ద ఉన్నకథ చెప్పినట్లు సమాచారం. ‘కెజిఎఫ్ 2' తర్వాత తాను చేయాలనుకుంటున్న స్టోరీని నమ్రతకు వివరించారట.

నమ్రతకు నచ్చింది, కానీ...

ప్రశాంత్ నీల్ చెప్పిన స్టోరీ లైన్ నమ్రతకు నచ్చిందని, త్వరలోనే పూర్తి స్టోరీ ప్రిపేర్ చేసి మహేష్ బాబుకు వినిపించనున్నారని సమాచారం. ఆయన చెప్పే కథతో సూపర్ స్టార్ సంతృప్తి చెందితే త్వరలోనే ఈ ప్రాజెక్ట్ కార్యరూపం దాల్చే అవకాశం ఉంది.

మహేష్ బాబు సొంత బేనర్లోనే...

ప్రశాంత్ నీల్ చెప్పే కథ నచ్చితే ‘మహేష్ బాబు 27'గా ఈ చిత్రం తెరకెక్కే అవకాశం ఉంది. దీన్ని తమ సొంత ప్రొడక్షన్స్ ‘జి మహేష్ బాబు ఎంటర్టెన్మెంట్స్' పతాకంపై నిర్మించే అవకాశం ఉంది. ఈ ప్రాజెక్టుపై మరింత క్లారిటీ రావాలంటే కొన్ని రోజులు ఆగాల్సిందే.

మహేష్ బాబు

ప్రస్తుతం మహేష్ బాబు తన 25వ చిత్రం ‘మహర్షి'.. వంశీ పైడిపల్లి దర్శకత్వంలో చేస్తున్న సంగతి తెలిసిందే. దీని తర్వాత ఆయన తన 26వ చిత్రం ‘ఎఫ్ 2' ఫేం అనిల్ రావిపూడితో చేసేందుకు ప్లాన్ చేసుకుంటున్నారు.