అది...కోదండరామిరెడ్డి చలవే....

By Staff

Published: Wednesday, March 11, 2026, 2:23 [IST]

తెలుగు తెరపైకి మరో వారసుడు దూకబోతున్నాడు. కాకపోతే అతని తండ్రి హీరోనో,నిర్మాతో,పాటల రచయితో కాదు. ఆయన సీనియర్ దర్శకుడు కోడి రామకృష్ణ . ఆయన కుమారుడుని హీరోగా తెరంగ్రేటం చేయటానికి ఆయన ప్రి ప్లాన్డ్ గా వస్తున్నారని తెలుస్తోంది. తానే నిర్మాతగా వ్యవహిరించే ఈ చిత్రానికి దర్శకుడిగా వేరే అతన్ని ఎన్నుకున్నారు. అతను 'అందాలరాముడు' తో సునీల్ ని హీరోని చేసి హిట్ కొట్టిన దర్శకుడు దీప్తి. ఆ తరువాత అతనికి సినిమాలు రాలేదు. ఆ చిత్రం రీమేక్ కాబట్టి అందులో అతని ప్రతిభ ఏముందని ఎవరూ పట్టించుకోలేదు. కాని ఆ సినిమా కోడి రామకృష్ణని బాగా ఆకట్టుకుందిట. అందులోనూ దీప్తి ఆయన డైరక్షన్ టీమ్ లో గతంలో పనిచేసినవాడు. అతని కొడుకుతో ర్యాప్ ఉన్నవాడు.

కాబట్టి బెరుకు లేకుండా తమ కుమారుడు లాంచింగా సేప్ గా ఉంటుందని ఆయన భావిస్తున్నాడట. అలాగే కథ కూడా గ్రామీణ నేఫధ్యంలో జరుగుతుందని తెలిస్తోంది. స్నేహం, ప్రేమ అంశాలు చుట్టూ తిరుగుతుందిట. అసలు కోడి రామకృష్ణ తన కుమారుడుని ఎంపికచేయటానికి కారణం కోదండరామిరెడ్డేట. ఆయన తన కుమారుడు వైభవ్ ని 'గొడవ' చిత్రంతో ముందుకు తీసుకు రావటం,ఇప్పుడు అతను ఒకటో రెండో సినిమాల్లో బుక్కయి..డబ్బు సంపాదనలో పడటం ఆయన్ని ఆకర్షించిందిట. అయినా కోడి రామకృష్ణ తనకున్న పరిచయాలనే ఆస్థిగా తన తర్వాత తరానికి అందించి నిలబెట్టాలని ఆలోచిస్తున్నాడట. దీప్తి ప్రస్తుతం ఆ స్క్రిప్టు పనులో ఉన్నాడు. హీరోయిన్ గా స్నేహా ఉల్లాల్ ని ఎంపిక చేసారు. ఆమె 'ఉల్లాసంగా..ఉత్సాహంగా' చిత్రంలో చేస్తోంది.

More from Filmibeat