ఆచార్య ఎఫెక్ట్.. ఎన్టీఆర్ సినిమా విషయంలో యూటర్న్.. కొరటాల కొత్త రూట్‌ మ్యాప్

ఆచార్య ఎఫెక్ట్.. కొరటాల డెసీషన్

కొరటాల శివ రూపొందించిన ఆచార్య సినిమా ఎఫెక్ట్ వల్లనే ఎన్టీఆర్ సినిమా ఆలస్యం చేస్తూ వస్తున్నారనే టాక్ సినీ వర్గాల్లో జోరుగా వినిపించింది. లేదు లేదు ఈ ప్రాజెక్టు ఆపేశారని కూడా కొందరున్నారు. ఈ పరిస్థితుల నడుమ రీసెంట్ గా ఈ ప్రాజెక్టుపై నందమూరి ఫ్యాన్స్ హుషారెత్తే అప్‌డేట్ చెప్పారు ఎన్టీఆర్ సోదరుడు కళ్యాణ్ రామ్.

NTR30.. అందుకే నో అప్‌డేట్స్

RRR సినిమా తర్వాత ఎన్టీఆర్ ఇమేజ్ పాన్ ఇండియా దాటి గ్లోబల్‌కు చేరిందని.. అందుకే ఆ అంచనాలను రీచ్ అయ్యేలా ఎన్టీఆర్ తదుపరి సినిమా పనులు నడుస్తున్నాయని కళ్యాణ్ రామ్ అన్నారు. అందుకే ఫ్యాన్స్ ఎక్స్‌పెక్ట్ చేసేంత ఫాస్ట్‌గా అప్‌డేట్స్ ఇవ్వ‌లేక‌పోతున్నాం అని చెప్పారు. ఎన్టీఆర్ 30 అనే వర్కింగ్ టైటిల్‌తో ఈ సినిమా సెట్స్ మీదకు రానుంది.

కొరటాల రూట్ మ్యాప్ చేంజ్.. ఫ్యాన్స్ ఇక తప్పదు మరి

ఈ కోణంలోనే ఎన్టీఆర్ రేంజ్‌కి తగ్గట్లుగా తన దగ్గర ఉన్న కథకు ఓ కొత్త పాయింట్ జోడించి పాన్ ఇండియా లెవెల్ స్టోరీ రెడీ చేస్తున్నారట కొరటాల శివ. ఈ కథ అంతా సిద్ధం కాగానే సెట్ మీదకు వెళ్తారని.. ఈ మేరకు రూట్ మ్యాప్ మార్చేశారని తెలుస్తోంది. అప్పటిదాకా ఇంకాస్త ఆలస్యమైనా నందమూరి ఫ్యాన్స్ వెయిట్ చేయక తప్పదని అంటున్నారు.

షూటింగ్ ప్రారంభించేది అప్పుడే..

కొరటాల కొత్తగా అల్లుతున్న కథలో పలు కమర్షియల్ అంశాలు కూడా జోడిస్తున్నారని తెలుస్తోంది. మాఫియా బ్యాక్ డ్రాప్‌లో ఈ కథకు పదును పెడుతున్నారని ఫిలిం నగర్ టాక్. దీంతో ఈ కథ రెడీ అయి సెట్స్ మీదకు రావడానికి నవంబర్ నెల రావొచ్చని చెబుతున్నారు. అంటే NTR30 రెగ్యులర్ షూటింగ్ కోసం మరో 2 నుంచి 3 నెలల ఎదురుచూపు తప్పనిసరి అని చెప్పుకోవచ్చు.

ఎన్టీఆర్ సరసన హీరోయిన్ ఎవరు?

ఇకపోతే ఈ సినిమాలో ఎన్టీఆర్ సరసన తీసుకోబోయే హీరోయిన్ విషయమై పలు పేర్లు ఇప్పటికే ప్రచారంలోకి వస్తున్నాయి. ఈ లిస్టులో ఆలియా భట్, శ్రద్దా కపూర్, సాయి పల్లవి, కియారా అద్వానీ ఉన్నారు. కానీ ఇప్పటివరకు ఈ సినిమా హీరోయిన్ విషయమై ఎటువంటి క్లారిటీ అయితే రాలేదు. ఎన్టీఆర్- కొరటాల శివ సక్సెస్‌ఫుల్ కాంబో కావడంతో ఈ మూవీపై బోలెడన్ని అంచనాలు క్రియేట్ అయ్యాయి.