బిల్లా దర్శకుడుపై మండిపడ్డ...

By Staff

Published: Wednesday, April 15, 2009, 11:13 [IST]

ప్రభాస్ హీరోగా వచ్చిన తమిళ రీమేక్ బిల్లా రిలీజై ఫ్లాఫ్ టాక్ తెచ్చుకున్న సంగతి తెలిసిందే. అయితే ఆ విషయాన్ని ప్రక్కన పెట్టి, మంచి హిట్టయిందని ప్రమోట్ చెయ్యటానికి బిల్లా-2 తీయ్యబోతున్నామని ప్రకటన ఇవ్వమని నిర్మాత కృష్ణంరాజుని..దర్శకుడు మెహర్ రమేష్ అడిగాడని సమాచారం. అయితే ఇప్పటికే బడ్జెట్ ఎక్కువైందని, డబ్బు వెనక్కి రావటం లేదని కాక మీదున్న కృష్ణంరాజు మండిపడ్డాడట. అయినా ఓ ప్రక్క తాను ప్రజారాజ్యం పబ్లిసిటీలో ఉన్నానని(ఎలక్షన్స్ లో పోటీ చేస్తున్నాడు కదా)తాను ప్రస్తుతం వాటి విషయంలో కలగచేసుకోలేనని తెగేసి చెప్పాడంటున్నారు.

దానికి కారణం పడిపోతున్న కలెక్షన్స్ చూసిన బయ్యర్లు కలసుకుని కాంపన్సేషన్ అడుగుతారని అని ఫిల్మ్ సర్కిల్స్ లో వినపడుతోంది. అయినా మొదటి నుంచీ అంత లావిష్ గా ఖర్చుపెట్టద్దని, తమిళ రీమేక్ కి కొన్ని మార్పులు చేయమని అడిగినా తన అల్లుడు, ప్రభాస్ వినలేదని అలిగారని వినికిడి. అందుకే సక్సెస్ మీట్ పెడతానన్నా తాను రానని మొహమాటంలేకుండా చెప్పాడంటున్నారు. అయినా బిల్లా ఆడలేదు...బిల్లా-2 ఎలా ఆడుతుంది అని అడిగితే ఏం సమాధానం చెప్తారని నిలదీసారని చెప్తున్నారు. ఇది నిజమో..రూమరో గానీ ఏదైనా ఆశ్చర్యపోనవసరం లేదు..

More from Filmibeat