For Quick Alerts
    ALLOW NOTIFICATIONS  
    For Daily Alerts

    గోపీచంద్ చిత్రానికి దర్శకుడు మార్పు

    By Srikanya
    |
    గోపీచంద్, తమిళ దర్శకుడు భూపతి పాండ్యన్ కాంబినేషన్ లో ఓ చిత్రం తెరకెక్కుతున్న సంగతి తెలిసిందే. అయితే ఈ చిత్రం షూటింగ్ ఆగిపోయిందని,దర్శకుడు చేతులెత్తేసాడని తమిళ మీడియా నుంచి వార్తలు వినపడుతున్న సంగతి తెలిసిందే. ఇప్పుడీ న్యూస్ కి బలం చేకూరుస్తూ ఈ చిత్రానికి లక్ష్యం వాసుని దర్శకుడుగా తీసుకున్నట్లు తెలుస్తోంది. గతంలో శ్రీవాస్..గోపీచంద్ తో చేసిన లక్ష్యం మంచి విజయం సాధించింది. ఈ నేఫధ్యంలో శ్రీవాస్ అయితే సినిమాని పూర్తి చేసి, హిట్ కొడతాడని భావించి ఈ నిర్ణయం తీసుకున్నట్లు సమాచారం. అయితే ఈ మార్పుపై అఫీషియల్ గా ఏ ప్రకటనా రాలేదు.

    ఇక ఈ మార్పుకు కారణం... తమిళ మీడియాలో వినపడే వార్తలు ప్రకారం గోపీచంద్ ఈ సబ్జెక్ట్ లో తన దైన శైలిలో మార్పులు చెప్పటం వల్ల దర్శకుడు హర్ట్ అయ్యాడని చెప్తున్నారు. అందులోనూ దీని రచయిత ఎం రత్నం సహకారంతో గోపీచంద్ తానే కొన్ని సీన్స్ డైరక్ట్ చేయబోయాడని కూడా రూమర్స్ వినపడుతున్నాయి. ఇక ఈ చిత్రానికి జగన్ మోహన్ ఐపియస్ అనే టైటిల్ ని నిర్ణయించారు. జై బాలాజీ మీడియా పతాకంపై రూపొందుతున్న ఈ చిత్రాన్ని భూపతి పాండ్యన్ దర్శకత్వంలో తాండ్ర రమేష్ ఈ చిత్రాన్ని నిర్మిస్తున్నారు. అన్ని వర్గాల ప్రేక్షకులను ఆకట్టుకునేలా, గోపీచంద్‌కు సూట్ అయ్యే కథతో ఈ చిత్రాన్ని నిర్మిస్తున్నామని, ఇందులో గోపీచంద్ పోలీస్ పాత్రలో కనిపిస్తాడని ఆయన తెలిపారు.

    గతంలో గోపీచంద్ పూరి జగన్నాథ్ దర్శకత్వంలో చేసిన 'గోలీమార్' చిత్రంలో పోలీస్ ఆఫీసర్ పాత్రలో కనిపించాడు. అయితే గోపీచంద్ పాత్ర పవర్ ఫుల్ గా ఉన్నప్పటికీ ఆ సినిమా ప్రేక్షకులను అలరించ లేక పోయింది. చాలా రోజులగా సరైన హిట్టులేని ఈ హీరో మరోసారి పోలీసాఫీసర్ పాత్రను నమ్ముకున్నాడు. మరి ఈసారి ఏమేరకు సక్సెస్ అవుతాడో చూడాలి. కోట శ్రీనివాసరావు, రఘుబాబు, షాయాజీషిండే, నాజర్ తదితరులు నటిస్తున్న ఈ చిత్రానికి మాటలు: యం.రత్నం, కెమెరా: శక్తి శరవణన్, సమర్పణ: కొమర వెంక కథ-వూస్కీన్‌ప్లే-దర్శకత్వం: భూపతి పాండ్యన్.

    మరోప్రక్క గోపీచంద్ గతంలో తనను ఒక్కడున్నాడు గా చూపించిన యేలేటి చంద్ర శేఖర్ దర్శకత్వంలో చిత్రం చేస్తున్నారు. నిధి వేట ప్రదానాంశంగా అడ్వెంచరస్ మూవీగా ఆ చిత్రం తెరకెక్కుతోంది. ఈ చిత్రంలో గోపీచంద్ సరసన తాప్సీ నటిస్తోంది. గీపంచంద్ ఈ చిత్రంపై చాలా ఆసలు పెట్టుకున్నారు. వెరీటీ గా రూపొందే ఈ చిత్రం తన కెరీర్ లో మరో పెద్ద హిట్టవుతుందని భావిస్తున్నాడు.

    English summary
    
 Gopichand’s movie with Nayanatara as the heroine will now be directed by Srivas. The film was originally supposed to be directed by Bhupathi Pandian but the buzz is that Srivas has been roped in to replace the director. Srivas directed Gopichand earlier for the hit film ‘Lakshyam’.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X