ఎమ్.ఎస్ రాజు మళ్లీ మొదలెట్టారు

By Srikanya

| Published: Tuesday, December 17, 2013, 8:12 [IST]

హైదరాబాద్ : ప్రముఖ నిర్మాత ఎమ్.ఎస్ రాజు ..నిర్మాత నుంచి దర్శకుడుగా షిఫ్ట్ అయిన వద్ద నుంచి ఆయనకు సక్సెస్ లు కరువయ్యాయి. వాన చిత్రం డిజాస్టర్ ఫలితం ఇచ్చినా తర్వాత తూనీగ తూనీగ అంటూ ఆయన కుమారుడుని లాంచ్ చేసారు. ఆ చిత్రం టీవీ సీరియల్ తరహాలో ఉందంటూ విమర్శలు వచ్చి ఫ్లాప్ అయ్యింది. తర్వాత ముగ్గురు హీరోయిన్స్ తో రమ్ అనే చిత్రం మొదలెట్టారు. ఆ చిత్రం ఫస్ట్ షెడ్యూల్ కే ఆర్ధిక ఇబ్బందులలో ప్యాకప్ అంది.

ఈ నేపధ్యంలో ఆయన ఇప్పుడు మరో చిత్రం చేయటానికి సిద్దమవుతున్నారు. ఈ సారి ఆయన దర్శకత్వం వహించబోయే చిత్రం ఓ రొమాంటిక్ ఎంటర్టైనర్. ఈ చిత్రానికి ఆయన రెండు టైటిల్స్ ని పరిశీలుస్తున్నారు. అవి...

1) హార్ట్ ఫర్ సేల్ (ఉపశీర్షిక : స్లైట్లీ డామేజ్డ్)

2) ప్రేమకథ లేనిదెవరికి?

ఈ రెండు టైటిల్స్ లో ఒకటి పెట్టనున్నారని సమాచారం. ఇక ఈ చిత్రంలో ఆయన కుమారుడు హీరోగా నటిస్తారని చెప్తున్నారు. ఆయన కుమారుడు సుమంత్ అశ్విన్ ..ఈ మధ్యనే ఇంద్రగంటి మోహన్ కృష్ణ దర్శకత్వంలో రూపొందిన అంతకుముందు ఆ తర్వాత చిత్రంతో హిట్ కొట్టాడు. అదే ఉత్సాహంతో మారుతి చిత్రం లోనూ చేస్తున్నాడు. ఇప్పుడు తన తండ్రితో చేయనున్నాడని సమాచారం.