మహేష్ బాబు- రాజమౌళి మూవీ: బాబోయ్ అన్ని రోజులా?

2018లో అసాధ్యం

ప్రస్తుతం మహేష్ బాబు కొరటాల శివ దర్శకత్వంలో ‘భరత్ అను నేను' సినిమా చేస్తున్న సంగతి తెలిసిందే. ఈ సినిమా తర్వాత మహేష్ బాబు 25వ మూవీ వంశీ పైడిపల్లి దర్శకత్వంలో 2018లో మొదటి త్రైమాసికంలో ప్రారంభం కాబోతోంది. 2018 సంవత్సరాంతంలో ఈ సినిమా విడుదలయ్యే అవకాశం ఉంది.

2019లో త్రివిక్రమ్‌తో మూవీ

వంశీపైడిపల్లి సినిమా తర్వాత మహేష్ బాబు, త్రివిక్రమ్ కాంబినేషన్లో సినిమా రాబోతోంది. ఈ సినిమా 2018 చివర్లో సెట్స్ మీదకు వెళ్లే అవకాశం ఉంది. 2019లో ఈ సినిమా విడుదల కానుంది.

బోయపాటికి ఓకే చెప్పిన మహేష్ బాబు

త్రివిక్రమ్ మూవీ తర్వాత మహేష్ బాబు తన 27వ సినిమా మాస్ డైరెక్టర్ బోయపాటితో చేసే అవకాశం ఉంది. ఈ సినిమా కూడా 2019లోనే విడుదలయ్యే అవకాశం ఉంది.

మహేష్-రాజమౌళి మూవీ 2020లోనే..?

ఇప్పటి వరకు కమిటైన ప్రాజెక్టులు అనుకున్న ప్రకారం పూర్తయితే 2019లో చివర్లో మహేష్ బాబు-రాజమౌళి మూవీ సెట్స్ మీదకు వెళ్ల నుంది. ఈ చిత్రం 2020లోనే విడుదలయ్యే అవకాశం ఉందని అంటున్నారు.

రాజమౌళి నెక్ట్స్ మూవీ సోషల్ డ్రామా

మహేష్ బాబుతో సినిమా మొదలు పెట్టడానికి ముందు రాజమౌళి ఓ సోషల్ డ్రామా మూవీ చేయనున్నారు. ఇది పూర్తయిన తర్వాత మహేష్ బాబుతో చేయబోయే సినిమాపై రాజమౌళి పూర్తి ఫోకస్ పెట్టనున్నారు.