హోమ్

గాసిప్స్

హైదరాబాద్: మహేష్ బాబు తన తాజా చిత్రం '1, నేనొక్కడినే' ప్రమోషన్ లో ఉంటూ...మరో ప్రక్క తన నెక్ట్స్ రెండు ప్రాజెక్టులకు గ్రీన్ సిగ్నల్ ఇచ్చినట్లు సమాచారం. అందులో ఒకటి కొరటాల శివ,యు టీవి చిత్రం. ఈ చిత్రం ప్రి ప్రొడక్షన్ ప్రారంభమైపోయింది. త్వరలోనే అఫీషియల్ గా ఓపినింగ్ జరగనుంది. ఆగడు షూటింగ్ పూర్తియిన వెంటనే ఈ చిత్రం పట్టాలు ఎక్కుతుంది.

అలాగే త్రివిక్రమ్,మహేష్ దర్శకత్వంలో మరో చిత్రం ఓకే అయినట్లు సమాచారం. అయితే ఈ చిత్రానికి నిర్మాతలు ఎవరనేది ఇంకా ఖరారు కాలేదు. డిసెంబర్ నుంచి ఈ చిత్రం ప్రారంభం కానుంది. వంశీ పైడిపల్లి చిత్రం అంటూ వచ్చిన వార్తలు కేవలం రూమర్స్ మాత్రమే అని తేలింది. ప్రస్తుతం మహేష్ ...ఆగడు షూటింగ్ లో బిజీగా ఉన్నాడు.

నేనొక్కడినే

''శ్రీను వైట్ల దర్శకత్వంలో మళ్లీ సినిమా చేయడం ఆనందంగా ఉంది. 'దూకుడు'కి ఏ మాత్రం తగ్గదు...ఈ 'ఆగడు'' అంటున్నారు మహేష్ బాబు. మహేష్‌బాబు, శ్రీనువైట్ల కలయికలో రూపుదిద్దుకొంటున్న చిత్రం 'ఆగడు'. తమన్నా హీరోయిన్. 14 రీల్స్‌ ఎంటర్‌టైన్‌మెంట్స్‌ పతాకంపై రామ్‌ ఆచంట, గోపీచంద్‌ ఆచంట, అనిల్‌ సుంకర ఈ చిత్రాన్ని తెరకెక్కిస్తున్నారు. ప్రస్తుతం హైదరాబాద్‌లో చిత్రీకరణ జరుగుతోంది.

దర్శకుడు చెబుతూ ''పూర్తి వాణిజ్య విలువలతో తెరకెక్కిస్తున్న చిత్రమిది. మహేష్‌ పాత్ర చిత్రణ కొత్తగా అనిపిస్తుంది''అన్నారు. ''దూకుడు కాంబినేషన్‌లో వస్తున్న ఈ చిత్రం అందరి అంచనాలనూ అందుకొంటుంది''అని నిర్మాతలు చెప్పారు.ఈ చిత్రంలో మహేష్ బాబు పోలీస్ ఆఫీసర్ పాత్రలో కనిపించనున్నారు. వీలైనంత త్వరగా షూటింగ్ పూర్తి చేసిన వేసవి కానుకగా సినిమాను మే నెలలో విడుదల చేయడానికి సన్నాహాలు చేస్తున్నారు.

మహేష్ బాబు-శ్రీను వైట్ల కాంబినేషన్లో ప్రేక్షకులు కోరుకునే అన్ని అంశాలు ఈ చిత్రంలో ఉండనున్నాయి. సంక్రాంతికి 'నేనొక్కడినే' అంటూ ప్రేక్షకుల్ని పలుకరించాడు మహేష్‌బాబు. ఇప్పుడు మళ్లీ షూటింగులతో బిజీ అయిపోయాడు. హైదరాబాద్‌, గుజరాత్‌లలో చిత్రీకరణ జరుపుతారు. ఈ చిత్రానికి తమన్‌ సంగీతం అందిస్తున్నారు. ఎగ్జిక్యూటివ్‌ నిర్మాత: పరుచూరి కోటి.