'Sarileru Neekevvaru' క్లైమాక్స్‌పై మహేష్ బాబు అసంతృప్తి.. డైరెక్టర్‌కి చెప్పడంతో ఆయన రియాక్షన్

హైదరాబాద్ పరిసరాల్లో షూటింగ్

ప్రస్తుతం 'సరిలేరు నీకెవ్వరు' సినిమా షూటింగ్ హైదరాబాద్ పరిసరాల్లో జరుగుతోంది. ఇదే ఈ సినిమాకు చివరి షెడ్యూల్. ఇందులో విజయశాంతి, మహేష్ బాబులపై కొన్ని కీలక సన్నివేశాల చిత్రీకరణ జరుపుతున్నారు. ఈ షెడ్యూల్ డిసెంబర్ మొదటివారంలో కంప్లీట్ కానుందని సమాచారం. ఇక ఆ వెంటనే సినిమా ప్రమోషన్స్‌కి బూస్టింగ్ ఇవ్వాలని ప్లాన్ చేస్తున్నారు మేకర్స్.

మహేష్ బాబు అసంతృప్తి.. డైరెక్టర్‌ రియాక్షన్

సరిగ్గా ఈ తరుణంలో మహేష్ బాబు అసంతృప్తి వ్యక్తం చేయడం చర్చనీయాంశంగా మారింది. ఈ సినిమా క్లైమాక్స్‌ కోసం చిత్రీకరించిన కొన్ని సన్నివేశాలు మహేష్ బాబుకు ఏ మాత్రం నచ్చలేదట. దీంతో ఈ విషయాన్ని డైరెక్టర్ అనిల్ దృష్టికి తీసుకొచ్చారట మహేష్. దీంతో వెంటనే క్లైమాక్స్‌ సన్నివేశాలను రీ షూట్ చేద్దామని అనిల్ చెప్పినట్లుగా తెలుస్తోంది.

అనిల్ రావిపూడి స్పెషల్ కేర్.. కలర్‌ఫుల్ కామెడీ ఎంటర్‌టైనర్

మహేష్ బాబు కెరీర్‌లో 26వ చిత్రంగా రూపొందుతున్న `స‌రిలేరు నీకెవ్వ‌రు` సినిమాలో క్రేజీ బ్యూటీ రష్మిక మందన్న హీరోయిన్‌గా నటిస్తోంది. విజ‌య‌శాంతి కీల‌క పాత్ర‌ పోషిస్తోంది. మహేష్ కెరీర్ లోనే బిగ్గెస్ట్ హిట్ సినిమాగా నిలిచేలా కమర్షియల్ హంగులతో కలర్‌ఫుల్ కామెడీ ఎంటర్‌టైనర్ సినిమాగా ఈ సినిమాను రూపొందిస్తున్నారు అనిల్ రావిపూడి.

మహేష్ బాబు రోల్.. వెరీ ఇంట్రెస్టింగ్

`స‌రిలేరు నీకెవ్వ‌రు` చిత్రంలో ఆర్మీ ఆఫీసర్ పాత్రలో నటిస్తున్నారు మహేష్ బాబు. ఇప్పటికే ఈయనకు సంబంధించిన లుక్స్, లిరికల్ సాంగ్స్ విడుదల చేసి మహేష్ అభిమానుల్లో నూతనోత్సాహం నింపారు. ఇక ఈ సినిమాను సంక్రాంతి కానుకగా జనవరి 11వ తేదీన ప్రేక్షకుల ముందుకు తెస్తున్నారు మేకర్స్.

Recommended Video

CineBox: Chiranjeevi Imitates Pawan Kalyan | Ali Reza To Act In a Crazy Movie

ఆడియన్స్‌ని థ్రిల్ చేసేలా మహేష్ హంగామా

ఇక `స‌రిలేరు నీకెవ్వ‌రు` చిత్రాన్ని 2 గంటల 30 నిమిషాల నిడివి ఉండేలా ప్లాన్ చేశారని విశ్వసనీయ వర్గాల సమాచారం. తెలుగు ఆడియన్స్‌ని థ్రిల్ చేసేలా ఆయన రూపొందించిన కొన్ని సన్నివేశాలు గతంలో ఎన్నడూ చుడని విధంగా ఉండనున్నాయట. చూడాలి మరి ఈ సంక్రాంతికి మహేష్ హంగామా ఏ రేంజ్‌లో ఉంటుందో!.