Don't Miss!
- Sports ఐపీఎల్లో అదరగొడుతున్న అన్ క్యాప్డ్ ప్లేయర్లు వీళ్లే..
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- News సెంటిమెంట్ కలిసొస్తే - అదే ఫలితం రిపీట్...!!
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Technology ఎయిర్ కండిషనర్ AC ను కొనుగోలు చేయాలని ప్లాన్ చేస్తున్నారా... అయితే ఇవి తెలుసుకోండి..!
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
'బిజినెస్ మ్యాన్' విడుదల తేదీ మార్పు
మహేష్ తాజా చిత్రం బిజినెస్ మ్యాన్ విడుదల మొదట జనవరి 11 వ తేదీన చేద్దామనుకున్న సంగతి తెలిసిందే. అయితే అంతకుముందే అంటే జనవరి 6న ఈ చిత్రం విడుదల చేయాలని నిర్ణయించుకున్నట్లు సమాచారం. దానికి కారణం ఈ చిత్రాన్ని భారీ ఎత్తున విడుదల చేద్దామని నిర్మాతలు నిర్ణయించుకున్నారు. కానీ సంక్రాంతి సీజన్ లో వీరు అనుకున్నన్ని థియేటర్స్ దొరికే వాతావరణం కనపడటం లేదు. సంక్రాంతికి పూల రంగడు, నిప్పు, బాడీగార్డు కూడా ఉన్నాయి. దాంతో ఆ చిత్రాలకు కూడా ధియోటర్ సమస్యలు రాకుండా ఉండేందుకు గానూ బిజినెస్ మ్యాన్ రిలీజ్ డేట్ మారిస్తే బెస్ట్ అనే నిర్ణయంలో ఉన్నట్లు ఫిల్మ్ సర్కిల్స్ లో వినిపిస్తోంది. అయితే అధికారికంగా మాత్రం నిర్మాతలు ప్రకటించలేదు.
జనవరి 3 వ తేదీన ఈ చిత్రం సెన్సార్ పూర్తవుతుంది. ఇప్పటికే ఈ చిత్రం ఆడియో మంచి క్రేజ్ సంపాదించుకుని మార్కెట్లో సినిమాపై అంచనాలు పెంచుతోంది.ఈ చిత్రాన్ని ఓవర్ సీస్ లో ఇంగ్లీష్ సబ్ టైటిల్స్ తో స్క్రీన్ చేయనున్నారు. ఓవర్ సీస్ లో సెటిలైన తెలుగువారు కాని మహేష్ బాబు ఫ్యాన్స్ కోసం ఈ ప్రయత్నం చేస్తున్నారు. ఇదే మొట్టమొదటి సబ్ టైటిల్స్ తో వస్తున్న తెలుగు చిత్రం కావటం మరో రికార్డుగా అభివర్ణిస్తున్నారు. దూకుడు చిత్రం ఓవర్ సీస్ మార్కెట్లో చేసిన బిజినెస్ ని దృష్టిలో పెట్టుకుని ఈ సారి భారి ఎత్తున విడుదల చేయటానికి సన్నాహాలు చేస్తున్నారు.
ఇక మహేష్ బాబు దూకుడుతో పెరిగిన మార్కెట్ కు అణుగుణంగానే బిజినెస్ మ్యాన్ ఉండబోతోందని చెప్తున్నారు. అందులోనూ గతంలో మహేష్,పూరీ కాంబినేషన్ లో వచ్చిన పోకిరి మెగా హిట్ ఫిలిం కావటంతో ఈ సినిమాపై మరింత అంచనాలు ఉన్నాయి.కాజల్ హీరోయిన్ గా చేస్తున్న ఈ చిత్రం ముంబై బ్యాక్ డ్రాప్ లో కథ నడవనుంది. ఇక మహేష్ కి తెలుగు సహా తమిళ్లోనూ భారీ మార్కెట్ ఉంది. ముఖ్యంగా చెన్నైలో లో అతని వీరాభిమానులు ఉన్నారు. ఈ చిత్రాన్ని ఆర్.ఆర్.మూవీమేకర్స్ పతాకంపై డావెంకట్ నిర్మిస్తున్నారు.