మహేష్ ‘ఆగడు’ప్రారంభోత్సవం ఎప్పుడంటే...

Gossips

oi-Surya

By Srikanya

| Published: Sunday, October 6, 2013, 12:08 [IST]

హైదరాబాద్ :మహేష్‌బాబు, శ్రీనువైట్ల కాంబినేషన్‌లో నిర్మాతలు రామ్ ఆచంట, గోపీచంద్ ఆచంట, అనిల్ సుంకర నిర్మించనున్న చిత్రం 'ఆగడు'. ఈ చిత్రం షూటింగ్ ఈ నెలలోనే ప్రారంభం కానున్నదని తెలుస్తోంది. ఈ నెల 11న ఈ చిత్రానికి సంబంధించిన పూజా కార్యక్రమాలను నిర్వహించాలని దర్శక,నిర్మాతలు ప్లాన్ చేస్తున్నట్లు చెప్తున్నారు.

ప్రస్తుతం.. మహేష్‌బాబు, ఈ చిత్ర నిర్మాతలు... '1' చిత్రం షూటింగ్ నిమిత్తం బ్యాంకాక్‌లో ఉన్నారు. ఈ నెల 13న వారు ఇండియా రాగానే ఈ ప్రాజెక్టు ప్రారంభమవుతుంది. ఈ నెల 14న భారీగా ఈ చిత్రం ప్రారంభోత్సవాన్ని జరపాలని అనుకున్నట్లు సమాచారం. ప్రారంభం రోజే ఈ సినిమాకు సంబంధించిన కథనాయికలు, మిగిలిన సాంకేతిక నిపుణుల వివరాలు త్వరలోనే తెలుస్తాయి. ఇప్పటికే సంగీత దర్శకుడు తమన్ ఆధ్వర్యంలో రెండు పాటలు ఓకే అయ్యాయి. సంగీత దర్శకునిగా తమన్‌కిది 50వ సినిమా.

మరో ఆసక్తికర విషయం ఏమిటంటే ఈచిత్రాన్ని సింగిల్ షెడ్యూల్‌లో పూర్తి చేయడానికి దర్శకుడు శ్రీను వైట్ల ప్లాన్ చేసాడట. అంటే షూటింగ్ ఒక్కసారి మొదలైతే పూర్తయ్యే వరకు గ్యాప్ లేకుండా కొనసాగుతూనే ఉంటుందన్నమాట. ఈ చిత్రంలో హీరోయిన్ త్వరలో ఫైనల్ కానుంది. అక్టోబర్ 16న మహేష్ బాబు 'ఆగడు' మహేష్ బాబు శ్రీను వైట్ల ఇప్పటికే స్క్రిప్టు వర్క్ పూర్తి చేసారు. ప్రీ ప్రొడక్షన్ పనులు శర వేగంగా జరుగుతున్నాయి.

'ఆగడు' సినిమాను రూ. 40 కోట్ల బడ్జెట్ మించకుండా పూర్తి చేయాలని, అప్పుడే నిర్మాతలకు, బయ్యర్లకు మంచి జరుగుతుందని మహేష్ బాబు శ్రీను వైట్లు సూచించినట్లు తెలుస్తోంది. తన సినిమా నష్టాల పాలైతే తనకే చెడ్డపేరు కాబట్టి మహేష్ ఈ నిర్ణయం తీసుకున్నారు. మహేష్ బాబు ఆలోచన పట్ల సర్వత్రా హర్షం వ్యక్తం అవుతోంది. ప్రస్తుతం మహేష్ బాబు నటిస్తున్న 1(నేనొక్కడినే) సినిమాతో పాటు'ఈ రెండు ప్రాజెక్ట్ లనూ 14రీల్స్ ఎంటర్టైన్మెంట్స్ బ్యానర్ యే నిర్మిస్తుంది. ఈ సినిమాల నిర్మాతలైన రామ్ ఆచంట, గోపి ఆచంటమరియు అనీల్ సుంకర మహేష్ కు సన్నిహితులు. 1(నేనొక్కడినే) సినిమా 2014 సంక్రాంతికి విడుదలకానుంది.