మహేష్ 'ది బిజెనెస్ మ్యాన్' లో హాట్ డైలాగ్

ఇప్పుడు డైలాగులు ట్రెండ్ నడుస్తోంది.ప్రతీ చిత్రం ముందుగా డైలాగులుతో లీక్ చేసి ఆకట్టుకోవాలని చూస్తున్నారు.అలా రీసెంట్ గా దూకుడుతో ప్రారంభమైన ఈ ట్రెండ్ ఆ తర్వాత వచ్చిన ఊసరవెల్లి అంది పుచ్చుకుంది.ఇప్పుడు ఆ ట్రెండ్ ని కొనసాగిస్తూ పంజా,దమ్ము చిత్రాలు ముందుకొచ్చాయి. తాజాగా మహేష్,పూరి కాంబినేషన్ లో రూపొందుతున్న ది బిజినెస్ మ్యాన్ చిత్రం లో డైలాగులు అంటూ కొన్ని నెట్లో పాపులర్ అవటం ప్రారంభించాయి. అవి...

"సాదారణంగా అందరు మనుషులతో మాట్లాడితే
నేను మాత్రం బుల్లెట్లతో మాట్లాడతా ..నా గన్ కి
లైసెన్స్ లేదు.. నా లైఫ్ కి ఇన్సురెన్స్ లేదు."

ఇక ఈ డైలాగులు సినిమాలో ఉంటాయో లేవో కానీ మహేష్ అభిమానులు మాత్రం చాలా ఎంజాయ్ చేస్తున్నారనేది నిజం. ఇక ది బిజెనెస్ మ్యాన్ విషయానికి వస్తే...ఈ చిత్రం నేపధ్యం ముంబై మాఫియాలోని ఆయుధాల వ్యాపారం..కొనుగోళ్ళు ..అమ్మకాల చుట్టూ తిరగనుందని తెలుస్తోంది.ముంబైలోనే ఎక్కువ బాగం షూట్ చేయాలని పూరీ భావిస్తున్నారు.గన్స్ నీడ్స్ నో ఎగ్రిమెంట్స్ అనే ట్యాగ్ లైన్ తో వస్తున్న ఈ చిత్రం పూర్తిగా స్టైలిష్ గా సాగే యాక్షన్ ఎంటర్టైన్మెంట్ అని చెప్తున్నారు.ఇక ఈ చిత్రం ముంబై మాఫియాకి చెందిన కథగా తెరకెక్కుతోంది. 'బిజినెస్‌మ్యాన్‌'గా టైటిల్‌కు తగిన పాత్ర అది. పోకిరి తర్వాత అంతటి హిట్‌ ఇవ్వాలని పట్టుదలతో ఉన్నాం అంటున్నారు ప్రముఖ దర్శకుడు పూరి జగన్నాధ్. ఆర్.ఆర్.మూవీస్ పతాకంపై ఆయన రూపొందిస్తున్న చిత్రం గురించి మీడియాతో మాట్లాడుతూ ఇలా స్పందించారు. సంక్రాంతి కానుకగా ఈ చిత్రాన్ని అందివ్వాలని దర్శక,నిర్మాతలు ప్లాన్ చేస్తున్నారు.అలాగే ఈ చిత్రంలో తొలిసారిగా కాజల్ హీరోయిన్ గా నటిస్తోంది. ఈ చిత్రానికి సంగీతం: థమన్, ఛాయాగ్రహణం: శ్యామ్.కె.నాయుడు, కళ: చిన్నా, ఫైట్స్: విజయ్, ఎడిటింగ్: ఎస్.ఆర్.శేఖర్, సహనిర్మాత: వి.సురేష్‌రెడ్డి, నిర్మాత: డా.వెంకట్, కథ-స్క్రీన్‌ప్లే-మాటలు- దర్శకత్వం: పూరి జగన్నాథ్.