మంచు విష్ణుని టెన్షన్ పెడుతున్న రామ్ గోపాల్ వర్మ

By Srikanya

Published: Tuesday, March 4, 2014, 8:41 [IST]

హైదరాబాద్: మంచు విష్ణు మరో చిత్రం షూటింగ్ కి రెడీ అవుతున్నారు. ఆ చిత్రం టైటిల్ "టెన్షన్...టెన్షన్". ప్రముఖ దర్సకుడు రామ్ గోపాల్ వర్మ డైరక్షన్ లో ఈ చిత్రం రూపొందనుంది. ఈ చిత్రాన్ని మంచు విష్ణు స్వయంగా నిర్మించనున్నారు. క్షణ క్షణం తరహాలో ఈ చిత్రం తెరకెక్కనుందని చెప్పుకుంటున్నారు. హైదరాబాద్ అమీర్ పేట పరిసర ప్రాంతాల్లో అతి తక్కువ రోజుల్లో ఈ చిత్రం షూట్ చేసి పూర్తి చేయాలని ప్లాన్ చేసినట్లు సమాచారం. ఇక ఇప్పటికే వీరిద్దరి కాంబినేషన్ లో రౌడీ చిత్రం షూటింగ్ పూర్తయి...రిలీజ్ కు రెడీగా ఉంది.

మోహన్ బాబు - మంచు విష్ణు ప్రధాన పాత్రల్లో రామ్ గోపాల్ వర్మ దర్శకత్వంలో తెరకెక్కుతున్న యాక్షన్ ఎంటర్టైనర్ 'రౌడీ'. ఈ సినిమా ఫస్ట్ లుక్ ని రీసెంట్ గా విడుదల చేస్తే మంచి క్రేజ్ క్రియేట్ అయ్యింది. మోహన్ బాబుకి జోడీగా జయసుధ నటించనున్న ఈ సినిమాలో మంచు విష్ణు సరసన శాన్వి హీరోయిన్ గా కనిపించనుంది.

ఏవి పిక్చర్స్ బేనర్లో పార్థ సారథి, గజేంద్ర, విజయ్ కుమార్ నిర్మిస్తున్నారు. ఈ చిత్రానికి సంబంధించి ఫోస్ట్ ప్రొడక్షన్ పనులు వేగంగా జరుగుతున్నాయి. ఈ సినిమాని రాయలసీమ బ్యాక్ డ్రాప్ లో పవర్ఫుల్ యాక్షన్ అండ్ పొలిటికల్ ఎంటర్టైనర్‌గా తెరకెక్కిస్తున్నారు. ఎమోషన్ సీన్లతో పాటు హై ఓల్టేజ్ సన్నివేశాలు ఇందులో ఉంటాయని తెలుస్తోంది.

సినిమాలో మోహన్ బాబు పెద్ద కుమారుడుగా కన్నడ కిషోర్, రెండవ కుమారుడుగా మంచు విష్ణు నటిస్తున్నట్లు సమాచారం. వర్మ కు అత్యంత ఇష్టమైన గాడ్ ఫాధర్ పోలికలతోనే ఈ చిత్రం తెరకెక్కుతోందని ఫిల్మ్ సర్కిల్స్ లో వినపడుతోంది.

మోహన్ బాబు మాట్లాడుతూ... రామ్‌గోపాల్ వర్మ దర్శకత్వంలో ఈ సినిమా చేస్తున్నాం. నా పోర్షన్ షూటింగ్ అయిపోయింది. విష్ణు పోర్షన్ నడుస్తోంది. అలాంటి డైరెక్టర్‌ని ఇంతదాకా నేను చూడలేదు. డైరెక్షన్ తప్ప అతనికి వేరే ధ్యాసే ఉండదు. విష్ణు కెరీర్‌లో బెస్ట్ సినిమాగా ఇస్తానని చెప్పాడు. ఈ చిత్రంలో నేను, విష్ణు తండ్రీ కొడుకులుగా నటిస్తున్నాం. నేను, వర్మ కలిసి చేస్తున్నామంటే చాలా మందికి ఆశ్చర్యం కలుగుతోందని మాకు తెలుసు. కానీ ఎలాంటి ఇబ్బంది లేకుండా హ్యాపీగా సినిమా చేసుకుంటూ వెళ్తున్నాం అన్నారు.

More from Filmibeat